5 شىلدە, 11:46 527 0 ىشكى ساياسات دينارا مىڭجاسارقىزى

ماقسات سقاقوۆ: يدەولوگيانىڭ تۇپنۇسقاسى – تاربيە

– يدەولوگيا – ەڭ ءبىرىنشى ەلدىڭ بىرلىگى. كەز كەل­گەن يدەولوگتىڭ قامتاماسىز ەتەتىن نارسەسى – ەلدىڭ بىرلىگى مەن تىنىشتىعى. وسى ەكەۋى بولعان جاعدايدا ءبارىن دە جاساي بەرۋگە بولادى. ماسەلەن، ءۇيىن­دە ۇرىس بولعان ادامدا بەرەكە بولا ما؟ سول سياق­تى بەرەكەسىز ەلدە دە ەشقانداي تىرلىك جۇرمەيدى، ول ەلگە ينۆەستورلار كەلمەيدى، ەشكىم اقشا سالمايدى. سوندىقتان يدەولوگتاردىڭ ەڭ ءبىرىنشى شارۋاسى – ەلدىڭ بەيبىتشىلىگى مەن بەرەكەسىن قامتاماسىز ەتۋ. ءبىر-اق اۋىز سوزبەن وسىلاي ايتۋعا بولادى.

– ءسىز بۇعان دەيىن ماڭعىستاۋ وبلىسى اكىمى ورىنباسارى قىزمەتىن اتقاردىڭىز عوي. سوندا نەنى باستى ۇستىن ەتىپ الدىڭىز؟

– كەز كەلگەن نارسەنىڭ ءوز شەكاراسى بار. ودان شىعا المايسىڭ. سەبەبى ول – مەملەكەتتىك قىزمەت. بىراق يدەولوگتارعا جۇمىس ىستەۋگە ەش كەدەرگى جوق. يدەولوگيانىڭ تۇپنۇسقاسى – تاربيە. تاربيە ءبىز­گە ەڭ الدىمەن تىنىشتىق پەن بەيبىتشىلىك ارقىلى كەلەدى. قاراپايىم عانا مىسال. وتباسىندا ءۇيدىڭ يدەولوگى – ايەل. بارلىق نارسەنىڭ تىگىسىن جاتقىزىپ وتىرعان دا سول. اتا مەن ەنەنىڭ، كۇيەۋىنىڭ، اعايىن مەن تۋعان-تۋىستىڭ اراسىن بايلانىستىراتىن ايەل. بۇل ەر ازاماتقا دا بايلانىستى. كەز كەلگەن ادام يدەولوگ بولۋى كەرەك. بۇل بەلگىلى ءبىر مەكەمەگە، لاۋازىم يەسىنە قاتىستى ەمەس.

– زيالى قاۋىم وكىلدەرى، قوعام قايراتكەرلەرىن اڭگىمەگە تارتساق، «بىزدە ۇلتتىق يدەولوگيا جوق» دەپ شىعادى. نەگە؟

– ءار ءتۇرلى پىكىر، ءار ءتۇرلى كوزقاراس بار. بىرەۋدىڭ ويىمەن كەيدە كەلىسەمىز، كەيدە كەلىسپەيمىز. مىسالى، ءوزى ىستەمەگەن نارسەنى جۇرتتان كورەتىندەر كوپ. ماسەلە – وسىندا. سەبەبى يدەولوگيا سالاسىنا ەڭبەكتەگەن بالادان ەڭكەيگەن قارياعا دەيىن قىزمەت ەتۋى كەرەك. يدەولوگيا نەگە جوق؟ قانشاما دۇنيە جاسالىپ جاتىر. بالكىم، ءبىز سول دۇنيەنى اسىرەلەپ جىبەرىپ، قۇنىن ءتۇسىرىپ جىبەردىك پە؟!

سوڭعى جاڭالىقتار