3 شىلدە, 12:50 437 0 تەحنولوگيالار Túrkistan Gazeti

ينتەرنەت-بانكينگ ارقىلى جاسالاتىن قىلمىس كوبەيگەن

ەلوردانىڭ پوليتسيا دەپارتامەنتى ينتەرنەت جەلىسىندەگى الاياقتاردىڭ كوبەيگەنىن حابارلادى. 

«قازىرگى ۋاقىتتا ەلوردالىق پوليتسيا دەپارتامەنتى «ينتەرنەت-بانكينگ» قىزمەتى ارقىلى جاسالعان الاياقتىق تۋرالى 40-تان استام ارىزدى قاراۋدا. اتالعان قىزمەت ءتۇرىن بارلىق بانك كارتاسىن ۇستاۋشىلار تۇگەلدەي دەرلىك پايدالانادى، الايدا ولاردىڭ بارلىعى ونىڭ فۋنكتسيالارى تۋرالى بىلە بەرمەيدى. الاياقتار ينتەرنەت ارقىلى ءسىزدىڭ جەكە كابينەتىڭىزدە اۆتوريزاتسيانى باستاعان كەزدە، وعان قوسىلعان ابونەنتتىك نومىرگە ءبىر رەتتىك پارول جازىلعان سمس-حابارلاما كەلەدى. ادەتتە ول 5-6 ساننان تۇرادى. اتالعان ءپارولدىڭ كومەگىمەن الاياقتار ءسىزدىڭ شوتىڭىزعا تولىق قولجەتىمدىلىك الادى جانە شوتتاعى اقشا قاراجاتىن ەركى بويىنشا جۇمسايدى»، - دەلىنگەن پوليتسيا حابارلاماسىندا.

دەپارتامەنتتىڭ حابارلاۋىنشا، قاسكويلەر ءپارولدى الۋ ءۇشىن ءارتۇرلى سەبەپتەردى پايدالانادى، كوبىنەسە حابارلاندىرۋلار بويىنشا حابارلاسادى جانە جىلجىمايتىن مۇلىكتى نەمەسە باسقا دا تاۋاردى الۋعا دايىن ەكەنىن ايتادى.

«سويلەسۋ بارىسىندا الاياقتار كەپىلاقشا بەرۋ ءۇشىن بانك كارتاسىنىڭ فوتوسۋرەتىن جىبەرۋدى سۇرايدى. بۇدان ءارى ولار جوعارىدا كورسەتىلگەن سىزبا بويىنشا ارەكەت ەتەدى. قاسكويلەردىڭ ارەكەتىنەن كەلتىرىلگەن ماتەريالدىق شىعىن 50 000 باستاپ 15 000 000 تەڭگەگە دەيىن قۇرايدى» ، - دەيدى پوليتسيا قىزمەتى.

سوڭعى جاڭالىقتار