3 شىلدە, 11:50 571 0 ءبىلىم احمەت ومىرزاق

قايران «سىنىپ»...

وتكەندە قر مادەنيەت جانە سپورت ءمينيسترى اقتوتى رايىمقۇلوۆانىڭ سوزىنەن كەيىن الەۋمەتتىك جەلىدەگى ءتۇرلى تالاس-تارتىستاردىڭ اراسىندا «ول كىسى قايدان ءبىلسىن، وزىنە بەرىلگەن مالىمەتتەر نەگىزىندە سويلەدى عوي، جاڭىلىس اڭگىمە بولار»، – دەپ جاڭا ءمينيستردى قورعاعاندار بولعان ەدى.

بىراق قازاق حالقى «جەل بولماسا، ءشوپتىڭ باسى قيمىلدامايدى» دەيدى عوي، بىردەڭەدەن كۇماندانعاندا. ەندى مىنە، شيرەك عاسىردان اسا ۋاقىتتا مەكتەپ وقۋلىقتارىنا ەنگىزىلىپ، باسپاسوزدە قولدانىسقا ەنىپ، تۇراقتانىپ، حالىققا ابدەن ءسىڭىستى بولىپ كەتكەن تەرميندەردى قايتادان كەڭەستىك كەزەڭدەگى قالپىنا ءتۇسىرۋ ارەكەتى شىنىمەن دە باستالىپ كەتكەنىن ءبىلىپ وتىرمىز.

sputniknews.kz سايتىنا بەرگەن سۇحباتىندا قر ءبىلىم جانە عىلىم ءمينيسترى اسحات ايماعامبەتوۆ «سىنىپ» ءسوزىن قايتادان «كلاسقا» اۋىستىرۋعا قاتىستى پىكىر ءبىلدىرىپتى. «وعان قاتىستى جەكە ويىمدى ايتقىم كەلمەيدى. ويتكەنى بۇل – قابىلدانعان شەشىم. سوندىقتان ونى ايتپاي-اق قويايىن، تۇسىنىكتەمە بەرمەي-اق قويايىن»، – دەپتى مينيستر. دەمەك، ءبىلىم سالاسى ەندى تاعى دا مەكتەپ وقۋشىلارى ۇيرەنىپ قالعان تەرميندەرگە رەۆيزيا جاساپ، قالىپتاسقان ۇعىم-تۇسىنىكتەردىڭ بۇزىلۋىنا جول اشىپ وتىر.

بىلەتىندەردىڭ ايتۋىنشا، قازىرگە دەيىن مەملەكەتتىك تەرمينولوگيالىق كوميسسيادا فيلولوگ عالىمدار جوق كورىنەدى. ەندەشە تەرميندەردىڭ تاعدىرىن كىم شەشەتىنىن وزدەرىڭىز-اق پايىمداي بەرىڭىزدەر.

سوڭعى جاڭالىقتار