21 ماۋسىم 2019, 15:59 547 0 زاڭ Túrkistan Gazeti

الماتى قالاسى الاتاۋ اۋداندىق سوتىندا دوڭگەلەك ۇستەل ءوتتى

الماتى قالاسى الاتاۋ اۋداندىق سوتىندا، تەرگەپ-تەكسەرۋ تيىمدىلىگىن جاقسارتۋدا جانە جەدەل ءادىل سوت اتقارۋ ماقساتىندا «جەدەلدەتىلگەن سوتقا دەيىن ءوندىرىس، كەلىسىم ءوندىرىسى جانە قىلمىستىق ىستەردى قىسقارتىلعان تارتىپپەن قاراۋ» تاقىرىبىندا دوڭگەلەك ۇستەل ءوتتى.

شاراعا پروكۋراتۋرا وكىلدەرى، پوليتسيا دەپارتامەنتىنەن تەرگەۋشىلەر جانە انىقتاۋشىلار، ادۆوكاتتار، قاتىستى.

كەزدەسۋ بارىسىندا سوتقا دەيىنگى جەدەلدەتىلگەن ءىس جۇرگىزۋ تيىمدىلىگىن قولدانۋدىڭ ساپاسىن جاقسارتۋدا جانە سوتقا دەيىن جەدەلدەتىلگەن ءىس جۇرگىزۋ تارتىبىمەن كەلىپ تۇسەتىن ىستەردىڭ سانىن ۇلعايتۋ، قىسقارتىلعان تارتىپتە جانە كەلىسىمدىك ءىس جۇرگىزۋدە تەرگەۋ تيىمدىلىگىن ارتتىرۋ جانە جەدەل ءادىل سوت تورەلىگىن جۇرگىزۋ تۋرالى سۇراقتار تالقىلاندى.

الاتاۋ اۋداندىق سوتىنىڭ سۋدياسى ن. كاراباەۆ ءىس جۇرگىزۋ ءتارتىبى، سوتقا دەيىنگى تەرگەپ-تەكسەرۋدىڭ جەدەلدەتىلگەن ءتۇرىنىڭ ارتىقشىلىقتارىن جانە ەرەكشەلىكتەرىن اتاپ ءوتتى. «بۇل، ەڭ الدىمەن جەدەلدەتىلگەن سوت تورەلىگىن اتقارۋدا تەرگەۋ بارىسىنداعى اۋرە-سارساڭدى جويادى، مەملەكەتتىڭدە جانە قىلمىستىق پروتسەسكە قاتىسۋشىلاردىڭ سوت وندىرىسىنە قاتىستى شىعىنداردى ازايتادى»- دەدى نۇرجان ەرۋبايۇلى.

جەدەلدەتىلگەن تارتىپتەگى تەرگەۋ تيىمدىلىگىنىڭ پروتسەسسۋالدىق ماڭىزدىلىعىن ەسكەرە وتىرىپ، قىلمىستىق قۋدالاۋ ورگاندارى سوتقا دەيىنگى تەرگەۋ ساتىسىنداعى ءتارتىپتى ساقتاي وتىرىپ، سول ساتىدا كۇدىكتىلەرگە (ايىپتالۋشىلارعا) تەرگەۋدىڭ جەدەلدەتىلگەن تۇرىنە ەنگىزىلگەن قۇقىقتارىن جانە ءىستى سوتقا بەرۋ تارتىپتەرىن ءتۇسىندىرۋ قاجەت. جەدەلدەتىلگەن سوت دەيىنگى تەرگەپ-تەكسەرۋ ينستيتۋتى جازانى از الۋ مۇمكىندىگىنىڭ كەپىلى بولاتىندىعىن، ال جابىرلەنۋشىلەرگە سوت تورەلىگى قۇقىقتارىنا قول جەتكىزۋ جانە كەلتىرىلگەن زياننىڭ جەدەل وتەلەتىندىگىن تۇسىندىرەدى.

ءىس-شارا بارىسىندا ازاماتتاردىڭ مۇددەسىن وڭتايلاندىرۋ ماسەلەلەرى بويىنشا ىنتىماقتاستىق مەحانيزيمىن جانە ساپاسىن ارتتىرا وتىرىپ جۇمىستى جانداندىرۋ، قىسقارتىلعان تارتىپتە جانە كەلىسىمدىك تارتىبىمەن سوتقا دەيىن ءىس جۇرگىزۋدەگى ىستەر ساپاسىن ارتتىرۋ سياقتى ماسەلەلەر تالقىلاندى.

سوڭعى جاڭالىقتار