1 شىلدە, 14:06 589 0 قاۋىپسىزدىك دينارا مىڭجاسارقىزى

ەلوردادان ارىسقا جۇك كولىگى جونەلتىلدى

 نۇر-سۇلتان قالاسى قازاقستان حالقى اسسامبلەياسى تۇركىستان وبلىسى ارىس قالاسىنا الەۋمەتتىك كومەك جىبەردى.


ەلوردانىڭ دوستىق ۇيىندە ارنايى قۇرىلعان شتاب "ارىس، ءبىز بىرگەمىز!" اكتسياسىنا بايلانىستى جينالعان ازىق-تۇلىك، تۇرمىستىق زاتتار جانە كيىم-كەشەكتەر مەن توسەك-ورىنداردى تۇركىستان وبلىسىنا ارنايى جۇك كولىگىنە تيەپ، جولعا اتتاندى. بۇل قايىرىلىمدىلىق ىسكە نۇر-سۇلتان قالاسى قازاقستان حالقى اسسامبلەياسى، قالالىق 23 ەتنومادەني بىرلەستىكتەرى جانە نۇر-سۇلتان قالاسى اكىمدىگى جانىنداعى "قوعامدىق كەلىسىم" كمم، سونداي-اق ازىرەت سۇلتان مەشىتى مەن نۇر-استانا مەشىتى ات سالىستى.
ارنايى شتاب قۇرىلعان كۇننەن باستاپ بارلىق ەتنومادەني ورتالىقتار بەلسەندىلىك تانىتىپ، تەز ارادا جۇمىستى باستاپ كەتتى. ءۇش كۇننىڭ ىشىندە شتاب جۇمىسى العا باسىپ، بۇگىن مىنە الەۋمەتتىك كومەككە 7 ميلليوننان استام 40 توننا جۇك كولىگى ارىستىقتارعا بەت الدى. ​


نۇر-سۇلتان قالاسى قازاقستان حالقى اسسامبلەياسى حاتشىلىعىنىڭ مەڭگەرۋشىسى ءلاززات قۇسايىنوۆا: «قازاقستان حالقى اسسامبلەياسى ارقاشان كومەك قولىن سوزۋدان قالىس قالعان ەمەس. بۇل جولى دا قايىرىمدىلىق ءىسىن جالعاستىرىپ، قيىندىقتا قالعان جاندارمەن بىرگە بولدى».


وسىعان دەيىن وقيعا ورىن العان كۇننەن باستاپ رەسپۋبليكامىز بويىنشا، «ارىس، ءبىز بىرگەمىز!» اتتى اكتسيانىڭ باستاۋ الىپ كەتكەنى ءمالىم. نۇر-سۇلتان قالاسىنىڭ دوستىق ۇيىندە ەلوردا ەتنومادەني بىرلەستىكتەرىنىڭ وكىلدەرى باس قوسىپ، قايىرىمدىلىققا باعىتتالعان ىستەردى جۇيەلى اتقارىپ شىعۋعا ۋاعدالاسقان. سونداي-اق، تۇركىستان وبلىسى شىمكەنت قالاسىنا «نۇر-سۇلتان قالاسى وزبەك ەتنومادەني ورتالىعى» قوعامدىق بىرلەستىگى توراعاسىنىڭ ورىنباسارى شاريپوۆ حاسان حولماتۇلى 22 توننا ۇن جونەلتكەن بولاتىن.
#ارىسبىزبىرگەمىز!

سوڭعى جاڭالىقتار