1 شىلدە, 12:57 467 0 سىرتقى ساياسات دينارا مىڭجاسارقىزى

اتامباەۆ بۇرىنعى باسشىلارعا قارسى شىقپاق

3 شىلدەدە بىشكەكتە وتەتىن بەيبىت ميتينگكە قىرعىزستاننىڭ بۇرىنعى پرەزيدەنتى المازبەك اتامباەۆ قاتىسپاق. ول قوي-تاش اۋىلىنداعى ءۇيىنىڭ الدىنا جينالعان جاقتاستارىمەن كەزدەسۋ كەزىندە وسىلاي دەدى.

اتامباەۆ جاقتاستارى "مەديافورۋم" عيماراتى الدىندا اكتسيا وتكىزۋدى جوسپارلاپ وتىر. وندا ولار بيلىكتەن "ەسكى ەليتا كەتىپ، جاڭا ليدەرلەر كەلۋىن" تالاپ ەتپەك.

27 ماۋسىمدا قىرعىز پارلامەنتى المازبەك اتامباەۆتىڭ ەكس-پرەزيدەنت مارتەبەسىن الىپ تاستاپ، قۇقىق قورعاۋ ورگاندارىنا وعان قارسى قىلمىستىق ءىس قوزعاۋعا مۇمكىندىك بەردى.

وسىنىڭ الدىندا اتامباەۆتىڭ جاقتاستارى قوي-تاشتا حالىق شتابىن قۇرىلاتىنىن جاريالاعان. ولار وسى كۇنگە دەيىن اتامباەۆ تۇراتىن ءۇيدىڭ اۋماعىندا ورنالاسقان. قىرعىز پرەزيدەنتى سوورونباي جەەنبەكوۆتىڭ كەڭەسشىسى ايبەك ازىرانكۋلوۆ تا اتامباەۆتىڭ ۇيىنە كەلىپ، قولداۋ بىلدىرەتىنىن مالىمدەدى. ول جۋرناليستەرگە ءساۋىر ايىندا وتستاۆكاعا ءوتىنىش بەرگەنىن ايتتى. ء"بارى زاڭ اياسىندا بولۋى ءتيىس. حالىق نارازىلىعىن كورىپ وتىرمىن. مەن 2006 جىلدان بەرى سوتسيال دەموكراتيالىق پارتيامەن بىرگەمىن. ءبىز ءبارىمىز ءبىر ۇلكەن كوماندانىڭ مۇشەسى بولدىق", –  دەدى ول.

سوڭعى جاڭالىقتار