28 ماۋسىم, 17:53 520 0 ىشكى ساياسات دينارا مىڭجاسارقىزى

  قىرىمبەك كوشەرباەۆ – پرەزيدەنت اكىمشىلىگىنىڭ باسشىسى

 قىرىمبەك كوشەرباەۆ پرەزيدەنت اكىمشىلىگىنىڭ باسشىسى بولىپ تاعايىندالدى. بۇل تۋرالى اقوردانىڭ رەسمي سايتىندا جاريالاندى. 

"قىرىمبەك ەلەۋۇلى كوشەرباەۆ قازاقستان رەسپۋبليكاسى پرەزيدەنتى اكىمشىلىگىنىڭ باسشىسى بولىپ تاعايىندالسىن، ول قىزىلوردا وبلىسىنىڭ اكىمى قىزمەتىنەن بوساتىلسىن", – دەلىنگەن قر پرەزيدەنتى جارلىعىندا. بۇعان دەيىن، پرەزيدەنت اكىمشىلىگىن باقىتجان ساعىنتاەۆ باسقارعان ەدى. ول باسقا جۇمىسقا اۋىسۋىنا بايلانىستى قازاقستان رەسپۋبليكاسى پرەزيدەنتى اكىمشىلىگىنىڭ باسشىسى قىزمەتىنەن بوساتىلدى. قىرىمبەك كوشەرباەۆ 1955 جىلدىڭ 20 مامىرىندا قىزىلوردا وبلىسىندا دۇنيەگە كەلدى.

ول پرەمەر-ءمينيستردىڭ ورىنباسارى، ءباسپاسوز حاتشىسى جانە پرەزيدەنتتىڭ ءباسپاسوز قىزمەتىنىڭ جەتەكشىسى بولىپ قىزمەت اتقارعان ەدى. ودان بولەك، كوشەرباەۆ ءبىلىم، مادەنيەت جانە دەنساۋلىق ءمينيسترى، ءبىلىم جانە عىلىم ءمينيسترى بولدى. 2000 جىلدىڭ سوڭىندا ول باتىس قازاقستان وبلىسىنىڭ اكىمى، ال 2003 جىلدىڭ قاراشا ايىندا رەسەي فەدەراتسياسىنىڭ قازاقستانداعى ەلشىسى رەتىندە قىزمەت ىستەگەن. 2006 جىلى 24 قاڭتاردا ماڭعىستاۋ وبلىسىنىڭ اكىمى بولدى. 2012 جىلى پرەمەر-ءمينيستردىڭ ورىنباسارى بولىپ تاعايىندالدى. ال 2013 جىلدىڭ 17 قاڭتارىندا قىزىلوردا وبلىسىنىڭ اكىمى بولىپ قىزمەت اتقارعان.

سوڭعى جاڭالىقتار