28 ماۋسىم, 14:32 622 0 الەۋمەت دينارا مىڭجاسارقىزى

5 ميلليون قازاقستاندىقتىڭ ءوسىمپۇلى كەشىرىلەدى

5 ميلليوننان اسا قازاقستاندىقتىڭ كەپىلسىز كرەديتىنىڭ ءوسىمپۇلى مەن ايىپپۇلدارى كەشىرىلەدى. بۇل تۋرالى پرەمەر-ءمينيستردىڭ ءبىرىنشى ورىنباسارى - قارجى ءمينيسترى ءاليحان سمايىلوۆ ايتتى، - دەپ حابارلايدى Tengrinews.kz ءتىلشىسى. 

"تۇتىنۋشىلىق كەپىلسىز نەسيە الىپ، ايىپپۇلدار مەن وسىماقىلارى پايدا بولعان 5 ميلليوننان اسا ادام بار. بۇل شامامەن 48 ميلليارد تەڭگە. ايىپپۇلدار مەن ءوسىمپۇلداردىڭ ءبارى وتەلەدى، ديسكونتى بار قارجى ۇيىمدارىنان پروبلەمالىق كرەديتتەر قورى ساتىپ الادى. كەز كەلگەن ادام ءۇشىن بۇل وتەلگەندى بىلدىرەدى", - دەدى سمايىلوۆ كۋلۋاردا. ايىپپۇلدار مەن ءوسىمپۇلدار بانكتەردەن دە، ميكروقارجى ۇيىمدارىنان دا الىنادى. ونىڭ ايتۋىنشا، نەگىزگى قارىزدىڭ جابىلۋ-جابىلماۋىنا قاراماستان، ايىپپۇل مەن ءوسىمپۇل وتەلەدى. ايتا كەتەيىك، بۇعان دەيىن قازاقستاندىقتاردىڭ نەسيە بويىنشا ءوسىمپۇلى كەشىرىلەتىنى حابارلانعان بولاتىن. تىكەلەي جانە اتاۋلى قارجىلاي كومەك رەتىندە جوعارىدا اتالعان ساناتتاعى ازاماتتار ءۇشىن مەملەكەت ەكىنشى دەڭگەيلى بانكتەر مەن شاعىن قارجى ۇيىمدارىنان الىنعان جالپى مولشەرى 300 مىڭ تەڭگەگە دەيىن نەگىزگى نەسيەنى جانە وعان ەسەپتەلگەن سىياقى وتەلىتىنى حابارلانعان. كەيىن تابىسى از قازاقستاندىقتارعا كرەديت بەرۋگە تىيىم سالىنادى.

سوڭعى جاڭالىقتار