26 ماۋسىم 2019, 12:12 1171 0 دەنساۋلىق "تۇركىستان" گازەتىنىڭ اۆتورلارى

مەديتسينا سالاسىندا مەيىرىمدىلەر ىستەيدى

تۇركىستان وبلىسىندا كەنتاۋ اتتى قالا بار. شاعىن قالا. قازىر گۇلدەنىپ كەلەدى. تاۋدىڭ قويناۋىندا ورنالاسقان شاعىن قالانىڭ ءوز تىرشىلىگى بار. تازا. قازىر حالىق سانى كۇرت ارتىپ كەلەدى. سەرۆيستىك قىزمەت تە جوعارى. جارىق دۇنيەگە كەلگەن سابيلەر كوز قۋانىشقا اينالىپ كەلەدى. تۇرعىنداردىڭ ءومىر ءسۇرۋ ۇزاقتىعى ارتقان. انا مەن بالا ءولىمى قاراعاندا ازايعان. مۇنىڭ سەبەبى نەدە؟

ەڭ الدىمەن حالىقتىڭ ساۋالۋاتتى ءومىر سالتىن قالىپتاستىرۋ باعىتىندا قوماقتى جۇمىستار ىستەلىنۋدە. ارينە بۇل ورايدا اق حالاتتى ابزال جانداردىڭ ەڭبەگى ۇشان تەڭىز ەكەندىگى ءسوزسىز.

ء–بىزدىڭ باستى مىندەتىمىز – تۇرعىنداردىڭ دەنساۋلىعىن نىعايتۋ. قازاقستان دەنساۋلىق ساقتاۋ سالاسىندا ەىدۇ ەلدەرىنىڭ ستاندارتتارىن بىرتىندەپ ەنگىزۋدى كوزدەيتىن دەنساۋلىق ساقتاۋ جۇيەسىن دامىتۋدىڭ «دەنساۋلىق» مەملەكەتتىك باعدارلاماسى قولعا الىندى. باعدارلامانىڭ باستى ماقساتى — 2020 جىلعا قاراي قازاقستان حالقىنىڭ ءومىر ءسۇرۋ ۇزاقتىعىن 73 جاسقا دەيىن ۇزارتۋ،–دەيدى بىزبەن اڭگىمەسىندە كەنتاۋ ورتالىق قالالىق اۋرۋحاناسىنىڭ باس دارىگەرى گۇلبانۋ جۇماعاليقىزى سىزدىقوۆا.

راسىندا دا قازىرگى ۋاقىتتا كەنتاۋ قالاسىنداعى ەمحانا زاماناۋي مەديتسينالىق قۇرىلعىلارمەن جابدىقتالعان. اتاپ ايتار بولساق، كەنتاۋ ورتالىق قالالىق اۋرۋحاناسىنىڭ بازاسىنان ينسۋلت ورتالىعىنىن اشىلۋى تۇرعىنداردىڭ الىسقا سابىلماي، وسىندا قارالۋىنا مۇمكىندىك بەردى. ورتالىق انىعىن ايتقاندا، باس ميىنىڭ كومپيۋتەرلىك توموگرافياسى ينسۋلتتىڭ جانە باس مي جاراقاتىنا ناقتى دياگنوز قويۋعا مۇمكىندىك بەرەدى. وسىعان بايلانىستى بۇگىنگى تاڭدا كەنتاۋ ورتالىق قالالىق اۋرۋحاناسىندا ينسۋلتپەن سىرقاتتانعان ناۋقاستار ەم قابىلداي الادى. ال بۇعان دەيىن سىرقاتتار تۇركىستان قالاسى ينسۋلت ورتالىعىنا بارىپ تولىققاندى دياگنوزىن الىپ كەلگەن. ەندى ولار الىسقا سابىلمايدى. Optima 540 كومپيۋتەرلىك توموگرافياسى جەرگىلىكتى بيۋدجەتتىڭ قارجىلاندىرۋمەن 2018 جىلدىڭ شىلدە ايىندا ساتىپ الىنىپ ورناتىلدى. بۇل جەرگىلىكتى حالىققا دا جاقسى بولدى. كومپيۋتەرلىك توموگرافيا سىرقاتتانۋدىڭ ەرتە كەزەڭىن انىقتاۋعا مۇمكىندىك بەرەدى. مىسالى ىسىكتەر، باسقا دا قابىنۋ پروتسەستەرى، سۇيەك قۇرىلىمىنداعى اۋرۋلارى. قيىن جاعدايلاردا كونتراستپەن اعزانى تەكسەرۋگە مۇمكىندىكتەرى بار، ول ءۇشىن قوسىمشا ينجەكتور قۇرالى ورناتىلعان.

ارينە، مۇنىڭ بارلىعى ەلباسى تاپسىرماسىنا وراي جۇزەگە اسىرىلىپ جاتقانى بەلگىلى. قازىر قالالىق اۋرۋحانانىڭ اۋقىمى كەڭەيىپ، شاھار اينالاسىنداعى حالىققا دا قىزمەت كورسەتۋدە. 2019 جىلدان باستاپ كەنتاۋ ورتالىق قالالىق اۋرۋحاناسىنىڭ بازاسىندا كەنتاۋ قالاسى مەن وعان قاراستى اۋىل تۇرعىندارىنا ورتالىقتاندىرىلعان زەرتحانا قىزمەت كورسەتۋدە. اتاپ ايتقاندا بيوحيميالىق، سەرالوگيالىق، كلينيكالىق، گەموتولوگيا، كوگۋلوگرامما، يفا، باك، تسيتالوگيالىق زەرتحانا تالداۋلارى اۆتوماتتاندىرىلعان مەديتسينالىق زەرتحانالىق قۇرال-جابدىقتارمەن تالداما قورىتىندىلارى بەرىلەدى.

ارينە جىل سايىن حالىقتىڭ دەموگرافيالىق ءوسىمى ارتىپ كەلەدى. مۇنداي جاعدايدا دەنساۋلىعىنا ەم ىزدەگەن حالىققا شيپا بەرۋ – دەنساۋلىق سالاسى ماماندارىنىڭ ءىسى. بۇل ورايدا كەنتاۋ ورتالىق قالالىق اۋرۋحاناسى 200 000 حالىققا قىزمەت كورسەتۋدە. اۋرۋحانادا بۇگىنگى تاڭدا 50 كۇندىزگى، 10 اقىلى جانە 322 ستاتسيوونارلى توسەك بار. مۇنداعى اق حالاتتى ابزال جانداردىڭ قىزمەتى ساپالى. پاتسيەنتتەردىڭ ولارعا ريزاشىلىعى شەكسىز.

ەلباسى، ەلىمىزدىڭ تۇڭعىش پرەزيدەنتى نازارباەۆ ءوزىنىڭ جولداۋىندا دا تسيفرلى تەحنولوگيالار ارقىلى مەديتسينالىق كومەكتىڭ قولجەتىمدىلىگى مەن تيىمدىلىگىن ارتتىرۋ قاجەتتىگىن اتاپ كورسەتكەنى بىەلگىلى.

–بۇل ورايدا كەنتاۋ قالاسىندا بۇگىنگى تاڭدا ستاتسيوناردا جاتاتىن ناۋقاستاردىڭ ەلەكتروندى تىركەلىمى، ەمدەۋگە جاتقىزۋ پورتالى جانە ەمحاناعا بەكىتىلەتىن حالىقتىڭ تىركەلىمىن جانە باسقالاردى ازىرلەۋ جۇمىستارى جولعا قويىلعان. تسيفرلاندىرۋ باعدارلاماسى دەنساۋلىق ساقتاۋ جۇيەسىن، ۇيگە جەدەل جاردەم مەن دارىگەردى شاقىرۋدان باستاپ بۇكىل پروفيلاكتيكالىق، دياگنوستيكالىق جانە ەمدىك مەديتسينالىق قىزمەتتەردى تولىق قامتۋى ءتيىس. بۇل رەتتە ەلباسى تاپسىرعانداي، ءبىز دەنساۋلىق ساقتاۋ سالاسىن تسيفرلاندىرۋ ارقىلى مەديتسينالىق كومەكتىڭ قولجەتىمدىلىگى مەن ساپاسىن ارتتىرىپ، حالىق ءۇشىن قولايلى مەديتسينا جاساۋعا ءتيىسپىز، – دەيدى كەنتاۋ ورتالىق قالالىق اۋرۋحاناسىنىڭ باس دارىگەرى گۇلبانۋ جۇماعاليقىزى.

راسىندا دا، 2019 جىلدىڭ قاڭتار ايىنان باستاپ كەنتاۋ ورتالىق قالالىق اۋرۋحاناسى جانە وعان قاراستى بولىمدەرىندە ناۋقاستار تاريحى تەگىس ەلەكتروندى تىركەۋگە وتكەن. اۋرۋحانانىڭ قابىلداۋ ءبولىمى تسيفرلىق SOS «كومەك» باعدارلاماسىمەن جابدىقتالعان. اۋرۋحانا بولىمدەرى 100 پايىز كومپيۋتەرلىك تەحنيكامەن جابدىقتالعان. دارىگىرلەردىڭ بىلىكتىلىگىن ارتتىرۋ جۇمىستارى دا جۇرگىزىلۋدە.

قازىرگى ۋاقىتتا حيرۋرگيالىق، گينەكولوگيالىق، پوتولوگيالىق وتالار لاپاراسكوپيالىق ادىسپەن جاسالۋدا. سونداي-اق 2019 جىلدىڭ باسىنان باستاپ اۋرۋحانادا 20 توسەكتى ينسۋلت ورتالىعى قىزمەت كورسەتەدى. بۇگىنگى تاڭعا دەيىن 50 ناۋقاستى ەمدەپ شىعارعانىن ايتا كەتكەن ءجون.

– دارىگەردىڭ نەگىزگى مىندەتى – ناۋقاستى سىرقاتىنان ايىقتىرۋ، ونىڭ حال-جاعدايىن جاقسارتۋ، اۋرۋدىڭ الدىن الۋ. مىنە، وسى مىندەتتەردى ورىنداۋ بارىسىندا دارىگەر مەن سىرقات جاننىڭ اراسىندا كۇردەلى قارىم-قاتىناس تۋادى. وسى قارىم-قاتىناس دۇرىس بولۋى ءۇشىن دارىگەردىڭ بويىندا كوپتەگەن جاقسى قاسيەتتەر بولۋى شارت. مۇنىڭ ءبارىن ءبىر سوزبەن سيپاتتاساق، جاقسى دارىگەردە «مەديتسينالىق» مىنەز قالىپتاسۋى كەرەك. ارينە، ماماندىق يەسىنىڭ ءبىلىمىن جەتىلدىرۋ قاي سالادا بولسىن كەرەكتى جايت. بىراق دارىگەرلىك قىزمەتتە ونىڭ ماڭىزى ەرەكشە. ويتكەنى بىرىنشىدەن ءبىزدىڭ ماماندىق ادام-نىڭ دەنساۋلىعى جانە ومىرىمەن تىكەلەي بايلانىستى، ال بۇل ومىردە ادام دەنساۋلىعىنان ارتىق بايلىق جوق. ەكىنشىدەن، مەديتسينا سالاسىندا وزگەرىستەر مەن جاڭالىقتار ءجيى بولىپ جاتىر. سوندىقتان ءوز قىزمەتىنىڭ جوعارى شىڭىنا جەتەمىن دەگەن ءاربىر دارىگەر ءوز سالاسىندا بولىپ جاتقان ەمدەۋ نەمەسە دياگنوستيكا جاڭالىقتارىن كۇندەلىكتى تاجىريبەسىندە كەڭىنەن قولدانىپ وتىرۋى كەرەك، – دەيدى باس دارىگەر گۇلبانۋ جۇماعاليقىزى.

دەنساۋلىق ساقتاۋ سالاسىندا 30 جىلدان استام ىستەگەن گۇلبانۋ جۇماعاليقىزى شىندىعىندا دا ىسكەر باسشى. انا مەن بالاعا باقىت سىيلاعان دارىگەر دەنساۋلىق سالاسىنىڭ ۇزدىگى. ەندەشە مەديتسينا سالاسىندا مەيىرىمگە بولەنگەن جاننىڭ قىزمەتىنە ساتتىلىك تىلەيمىز.

ميرا مىرزاعاليقىزى

تەگتەر انا مەن بالا

سوڭعى جاڭالىقتار