17 ماۋسىم, 16:39 309 0 ونەر "تۇركىستان" گازەتىنىڭ اۆتورلارى

تاۋەلسىزدىك تاريحىندا بولماعان الامان

16 ماۋسىم كۇنى تارباعاتاي تورىندە «تۇعىرى بيىك تارباعاتاي» اتتى حالىقارالىق سپورت جانە ونەر فەستيۆالى اياسىندا كوكپەكتى اۋدانىنان باستاپ اقسۋات اۋىلىنا دەيىنگى اراقاشىقتىقتا تاۋەلسىزدىك تاريحىندا بولماعان 140 شاقىرىمدىق الامان بايگە ءوتتى.

شاشاسىنا شاڭ جۇقتىرماعان 106 سايگۇلىك GPS قۇرىلعىسىمەن قامتىلىپ، جارىس جولىنا شىقتى. ءتۇنى بويى جاۋعان جاۋىننان ەزىلگەن جارىس جولىنىڭ اۋىرلىعى تالاي تۇلپاردى تۇياقتان قالدىردى. 8 ساعاتتان اسقان الاماندا ادامعا دا اتقا دا اۋىر سىن بولعاندىعى انىق. سورەدەن شىققان 106 جۇيرىكتىڭ تەك 12-ءسى مارەگە جەتتى.

الماتى وبلىسى، سارقاند اۋدانىنىڭ تۇرعىنى رۇستەم دوسجانوۆتىڭ قىزجيرەنى وق بويى وزىق شىعىپ باس بايگەنى الدى. زايساندا وتكەن 130 شاقىرىمدىق الاماندا ەكىنشى كەلگەن قۋانىشتىڭ كۇرەڭ اتى كۇمىس جۇلدەنى ەشكىمگە بەرمەي ەنشىلەپ كەتتى، ءۇشىنشى ورىن قۇدىرەتتىڭ قىلقۇيرىقتىسىنا بۇيىردى. ءبىرىنشى ورىنعا نيۆا، ەكىنشى ورىنعا لادا گرانتا اۆتوكولىكتەرى تابىستالدى. 140 شاقىرىمدىق الامان بايگە الىس قاشىقتىقتا قازاقى قازاناتتىڭ قاراسىنا جىلقى ىلەسپەيتىندىگىن كورسەتىپ، قازاق جىلقىسى الەم الدىندا تاعىدا ءوز مىقتىلىعىن دالەلدەدى.

ايان الدابەرگەنۇلى

سوڭعى جاڭالىقتار