25 ماۋسىم, 15:56 692 0 ادەبيەت "تۇركىستان" گازەتىنىڭ اۆتورلارى

ن.ونداسىنوۆتىڭ ماسكەۋدەگى ءومىرى جايلى نە بىلەسىز ؟

قازاقستاندا 18 جىل پرەمەر مينيستر بولعان نۇرتاس وڭداسىنوۆ، دەمالىسقا شىققاننان كەيىن ماسكەۋدە ءۇش بولمەلى پاتەردە تۇرىپتى.

ءبىر بولمەسىن تۇگەل كىتاپقا تولتىرىپ جۇمىس بولمەسى ەتىپ ارناپ الىپتى، ازانعى ءشايىن ىشكەننەن كەيىن، قىرى سىنباعان كوستيۋم شالبارىن كيىپ، گالستۋگىن تاعىپ، تۋفليىن جالتىراتىپ مايلاپ ساعات 9- عا 10 مينۋت قالعاندا بولمەسىنە كىرىپ كەتەدى ەكەن. سول وتىرعاننان تۇستە ساعات 13-كە 10 مين قالعاندا شىعىپ، كەمپىرىنىڭ دايىنداعان تۇسكى تاماعىن ءىشىپ، ساعات 14-كە 10 مين قالعاندا قايتا كىرىپ كەتەدى ەكەن.

كەشكى ساعات 18-گە 10 مينۋت قالعاندا بولمەسىنەن شىعىپ، ءبىر ساعات دالاعا سەرۋەندەپ، ساعات 20-دا كەشكى تاماعىن ءىشىپ دەمالادى ەكەن. نۇرتاس اعامىز ءدال وسىلاي قاتىپ قالعان ۋاقىتپەن 28 جىل ءومىر ءسۇرىپتى. قازاقستاننان ادام كەلسە كەمپىرى جىلايدى ەكەن "مىنا اپەندى اعالارىڭا ايتساڭدارشى نە ىستەپ وتىر مىنا بولمەدە، ءۇش مەزگىل تاماعىن دايىنداۋمەن ولەتىن بولدىم" دەپ.

سوندا نۇرتاس اعامىز سول بولمەدە 28 جىل بويى قازاقتىڭ ءبىر ءسوزى ءتورت تىلدە قالاي اتالاتىنى جونىندە "ەنتسيكلوپەديالىق سلوۆار" جاساعان ەكەن. بىلدەي ءبىر عىلىمي زەرتتەۋ ءينستيتۋتىنىڭ ىستەيتىن جۇمىسىن ءبىر ءوزى ىستەپ، بەس تومدىق سلوۆار جازىپ شىعىپتى دەسەدى...

جاراس نۇربولۇلى

سوڭعى جاڭالىقتار