25 ماۋسىم, 15:35 709 0 بىلگەنگە مارجان Túrkistan Gazeti

فۋتبول سپورتى جايلى ەڭ قىزىقتى اقپاراتتار

فۋتبول – الەمدەگى ەڭ تانىمال سپورت ءتۇرى. فۋتبولدىق كلۋبتاردىڭ تابىسى كەيبىر ەلدەردىڭ بيۋدجەتتەرىمەن باسەكەلەسە الادى، ال ۇزدىك فۋتبولشىلاردىڭ اتاعى ساياساتكەرلەر مەن تەلەديدار جۇلدىزدارىنىڭ داڭقىنان اسىپ تۇسەدى. سىزدەرگە ارناپ، فۋتبول ويىنى تۋرالى ەڭ قىزىقتى فاكتىلەر جينادىق.

الەمدەگى بارلىق فۋتبول دوپتارىنىڭ 80%-ى پاكىستاندا جاسالادى.

«Ole-Ole-Ole» ءسوزى يسپانيادا پايدا بولدى. بۇل ءسوز 8-ءشى عاسىردا يسپانيانى باسىپ العان ارابتاردىڭ «اللا» سوزىنەن شىققان.

ەڭ ۇزاق ماتچ 1981 جىلعى 1-3 تامىزدا ەكى يرلانديالىق فۋتبول كوماندالارى اراسىندا ءوتتى. جەڭىمپاز 65 ساعات 1 مينۋتتان كەيىن عانا انىقتالدى.

1969 جىلى الەم چەمپيوناتىنىڭ ىرىكتەۋ تۋرنيرىندەگى ويىندا، گوندۋراس ۇلتتىق كومانداسىنىڭ سالۆادوردىڭ فۋتبولشىلارىنان جەڭىلىسكە ۇشىراۋى، وسى ەلدەر اراسىنداعى التى كۇندىك سوعىسقا تىكەلەي سەبەپ بولدى.

بوتسۆانانىڭ ۇلتتىق قۇراماسى جيىرما سەگىز جىل بويى حالىقارالىق ويىنداردىڭ بىرەۋىندە دە جەڭە المادى. كوماندا ەلۋدەن استام باس جاتتىقتىرۋشىنى اۋىستىرىپ ۇلگەردى.

الەمدە فۋتبولعا دەگەن قىزىعۋشىلىق ۇلكەن. 2002 جىلى الەم چەمپيوناتىندا برازيليا مەن بەلگيا كوماندالارى اراسىنداعى ويىن كەزىندە، يندونەزيانىڭ سۋماترا ارالىندا ورنالاسقان تۇرمەدەگى كۇزەتشىلەردىڭ ويىنعا كىرىپ كەتكەنى سونشالىق، ولار 48 تۇتقىننىڭ قالاي قاشىپ كەتكەنىن بايقاماي قالعان.

يسپانيانىڭ 2-ءشى ليگاسىندا قىزىقتى وقيعا ورىن الدى. ويىن اياقتالۋعا 3 مينۋت قالعاندا ويىنشىلار تورەشىنى قورشاپ الىپ، نارازىلىعىن كورسەتە باستادى. تورەشى كوپ ويلانباستان، قىزىل قاعازدى بارلىق 22 فۋتبولشىعا كورسەتتى!

فۋتبول ويناۋعا 6 ەلدە رەسمي تۇردە تىيىم سالىنعان، ونىڭ ىشىندە اۋعانستان، كامپۋچيا جانە گرەنلانديا دا بار.

برازيليالىق ويىنشى پينەيرو ءوز كومانداسىنا گول سوعۋدان رەكوردسمەن. ول ءبىر ماۋسىمدا 10 گول سوققان.

تاريحتاعى ەڭ ءىرى ەسەپ، ماداگاسكار چەمپيوناتىندا تىركەلدى. «AS Adema» كلۋبى، «Stade Olympique l’Emyrne» كومانداسىن 149:0 ەسەبىمەن جەڭدى. بارلىق گولداردى قاقپاعا ءوز ويىنشىلارى سوقتى. بۇل ارەكەتىمەن فۋتبولشىلار، تورەشىنىڭ ادىلەتسىز شەشىمىنە نارازىلىعىن كورسەتكىسى كەلدى.

11 مەترلىك ايىپ دوبىن 1891 جىلى يرلانديالىق فۋتبولشى دجون پەنالتي ۇسىنعان دەگەن تۇجىرىم بولعان. شىن مانىندە مۇنداي ادام ءومىر سۇرمەگەن، ال پەنالتي تۋرالى ۇسىنىستى ۋيليام ماككرام جاسادى.

انگليا پرەمەر-ليگاسىنداعى ەڭ كارى فۋتبولشى دجون بارريدج بولدى. فۋتبولمەن 1955 جىلى 43 جاسىندا قوش ايتىستى.

فۋتبول تاريحىنداعى ەڭ اتاقتى گول – «قۇدايدىڭ قولى» دەپ اتالادى. ونى 1986 جىلى قولىمەن ديەگو ماراداونا سوقتى.

يتالياندىق فۋتبولشى فەرناندو د’ەركولي، اربيتر كورسەتكەن قىزىل قاعازدى جەپ قويعان.

  جاراس نۇربولۇلى

 

سوڭعى جاڭالىقتار