25 ماۋسىم 2019, 14:43 832 0 سپورت "تۇركىستان" گازەتىنىڭ اۆتورلارى

الماتىدا بوكس مايتالماندارى اشىق جاتتىعۋ وتكىزبەك

27 ماۋسىم كۇنى الماتىنىڭ ارباتىندا ەلىمىزگە تانىمال قانات يسلام، ماديار اشكەەۆ جانە ابىلايحان قۇسايىنوۆ سىندى كاسىپقوي بوكسشىلار اشىق جاتتىعۋى وتكىزەدى.

بۇل سپورتتىق شارا 5 شىلدە كۇنى وتەتىن بالۋان شولاق اتىنداعى سپورت جانە مادەنيەت سارايىندا ۇيىمداستىرىلاتىن بوكس كەشىنە ارنالادى.

اشىق جاتتىعۋ كەزىندە كەلگەن قوناقتار اراسىندا بيلەتتەر، فۋتبولكالار جانە وزگەدە سىيلىقتار ويناتىلىپ، كورەرمەندەر داڭقتى سپورتشىلارمەن سۋرەتكە تۇسۋگە مۇمكىندىك الادى. باستالۋى 17:00-دە.

ايتا كەتەر جايت، بۇل بوكس كەشىندە جالپى سانى 11 جەكپە-جەك وتەدى، ونىڭ ۇشەۋى تيتۋلدىق. كەشتىڭ باستى كەزدەسۋىندە قانات يسلام جاڭا سالماقتا WBO Inter-Continental بەلبەۋى ءۇشىن ايقاساتىن بولادى.

ال، ماديار اشكەەۆ پەن ابىلايحان قۇسايىنوۆ NBA تيتۋلدارىنا جۇدىرىقتاسادى.

اياۋلىم السەيتوۆا

سوڭعى جاڭالىقتار