24 ماۋسىم, 17:50 452 0 ونەر دينارا مىڭجاسارقىزى

ەربولات شالدىبەكوۆتىڭ«شىرقا، داۋسىم» كونتسەرتى وتەدى

29 ماۋسىم ساعات 19.00-دە «قازاقستان» وكز كامەرالىق زالىندا قازاقستان رەسپۋبليكاسىنىڭ مادەنيەت قايراتكەرى ەربولات شالدىبەكوۆ «شىرقا، داۋسىم»كونتسەرتىن ۇسىنادى. ​ ​ «قازاقكونتسەرت» مەملەكەتتىك كونتسەرتتىك ۇيىمىنىڭ ءسوليسى ەربولات شالدىبەكوۆ – ەلىمىزدەگى تانىمال ءداستۇرلى انشىلەردىڭ ءبىرى، جەتىسۋدىڭ انشىلىك-جىرشىلىق مەكتەبىنىڭ جارقىن وكىلى. ونىڭ ورىنداۋىنداعى قۇلاق قۇرىشىن قاندىرار اندەر ادەمى اۋەزبەن، تەرەڭ ماعىنالى سوزدەرمەن ورنەكتەلىپ، تىڭدارمان قاۋىمنىڭ ەرەكشە ىقىلاسىنا بولەنگەن. ​ ​

ەربولات شالدىبەكوۆتىڭ «شىرقا، داۋسىم» كونتسەرتى قازاقتىڭ ايگىلى كومپوزيتورى ك.ازىرباەۆتىڭ 135 جىلدىعىنا وراي وتپەك. كونتسەرتتىڭ باعدارلاماسىنا كوپشىلىك ءسۇيىپ تىڭدايتىن حالىق اندەرى، سونداي-اقك.ازىرباەۆ، ج.جاباەۆ، س.ارونۇلى، س.موشانۇلى، ت.مومبەكوۆ سىندى بەلگىلى اقىن-كومپوزيتورلاردىڭ تۋىندىلارى ەندى. ​ ​

كونتسەرتتە قازاقستان رەسپۋبليكاسىنىڭ ەڭبەك سىڭىرگەن قايراتكەرلەرى جانعالي ءجۇزباي، ارداق بالاجانوۆا، «استانا سازى» فولكلورلىق ءانسامبلى مەن ە.شالدىبەكوۆتىڭ شاكىرتتەرى ونەر كورسەتەدى. ​ ​

ەرەكشە كونتسەرتتىك باعدارلاما، رۋحاني ءمانى تەرەڭ اۋەندەر مەن ورىنداۋشىلاردىڭ جوعارى شەبەرلىگى توعىسقان ەربولات شالدىبەكوۆتىڭ كونتسەرتى ەلوردالىق كورەرمەندەرگە تاماشا تارتۋ بولارى انىق.

سوڭعى جاڭالىقتار