24 ماۋسىم 2019, 16:34 667 0 دەنساۋلىق دينارا مىڭجاسارقىزى

كاسىبي مەرەكەلەرى قارساڭىندا دارىگەرلەر ۇلىقتالدى

ماۋسىم ايىنىڭ ءۇشىنشى جەكسەنبىسى اق حالاتتى ابزال جانداردىڭ ءتول مەرەكەسى رەتىندە اتالىپ ءوتىپ كەلەدى. ايتۋلى مەرەكەگە وراي بالالار دەنساۋلىعىن نىعايتۋ جولىندا ەلەۋلى ەڭبەك ءسىڭىرىپ، دەنساۋلىق ساقتاۋ ءىسىن دامىتۋعا ايىرىقشا ۇلەس قوسىپ كەلە جاتقان پەدياتريا جانە بالالار حيرۋرگياسى عىلىمي ورتالىعىنىڭ بىرقاتار دارىگەرلەرى قر دەنساۋلىق ساقتاۋ مينيسترلىگىنىڭ   جوعارى ماراپاتتارىنا يە بولدى. 

اتاپ ايتقاندا، ۇزاق جىلدان بەرى بار عۇمىرىن مەديتسينا سالاسىنا ارناپ كەلە جاتقان عىلىم ءبولىمىنىڭ باس عىلىمي قىزمەتكەرى ۆالەري كوجانوۆ (52 جىل), ىشكى اۋديت، مەنەدجمەنت جانە ساپا ءبولىمىنىڭ دارىگەرى قالقامان ابىشەۆا (41 جىل) «ەڭبەك ارداگەرى» مەدالىمەن ماراپاتتالدى.

         كونسۋلتاتيۆتىك – دياگنوستيكالىق بولىمشەسىنىڭ مەڭگەرۋشىسى الفيا نازاروۆا،  كلينيكالىق-دياگنوستيكا زەرتحاناسىنىڭ دارىگەر زەرتحاناشى گۇلزات باتىرحانوۆا، فۋنكتسيونالدىق بولىمشەسىنىڭ مەڭگەرۋشىسى ەستاي نۇرلانوۆ،  ەرەسەك جاستاعى بالالارعا ارنالعان جان ساقتاۋ جانە قارقىندى ەمدەۋ بولىمشەسىنىڭ مەيىرگەرى بەيبىتگۇل شويبەكوۆا،  ەرتە جاستاعى بالالارعا ارنالعان گەماتولوگيا بولىمشەسىنىڭ مەيىرگەرى  باحىتگۋل ءامىرجانوۆا «دەنساۋلىق ساقتاۋ ءىسىنىڭ ۇزدىگى» اتانسا، حيرۋرگيا ءبولىمىنىڭ مەڭگەرۋشىسى نۇرلان احپاروۆ، كلينيكالىق-دياگنوستيكا زەرتحاناسىنىڭ زەرتحاناشى مامانى گۇلبارشىن رىسمەنديەۆا،  قۇرىلىمدىق بولىمشەلەردى ءدارى-دارمەكتەرمەن قامتاماسىز ەتۋ  ءبولىمىنىڭ مەيىرگەرى زينا قىرعاباقوۆا، اكىمشىلىك – شارۋاشىلىق باسقارماسىنىڭ باسشىسى اسحات بايمۋحامبەتوۆ «دەنساۋلىق ساقتاۋ ىسىنە قوسقان ۇلەسى» توسبەلگىسىمەن ماراپاتتالىپ، قۇرمەتكە بولەندى.

      بالالار دەنساۋلىعىن ساقتاۋ سالاسىنداعى جەمىستى ەڭبەگى مەن دەنساۋلىق ساقتاۋ جۇيەسىن دامىتۋعا قوسقان ۇلەسى ءۇشىن بەرىلگەن  قۇرمەت گراموتالارىمەن جەدەل اندرولوگيا قامتىلعان ۋرولوگيا بولىمشەسىنىڭ ۋرولوگ دارىگەرى باۋىرجان ساكەنوۆ، حيرۋرگيا ءبولىمىنىڭ حيرۋرگ دارىگەرى كاحريمان احتاروۆ، ۇيىمداستىرۋ-ادىستەمەلىك جۇمىستار جانە مەديتسينالىق ستاتيستيكا باسقارماسىنىڭ دارىگەر-ادىسكەرى ساۋلە نۇرتازاەۆا، جەدەل اندرولوگيا قامتىلعان ۋرولوگيا بولىمشەسىنىڭ مەيىرگەرى تازاكۋل التاەۆا  ماراپاتتالىپ، ەرەن ەڭبەكتەرى باعالاندى.

قر دەنساۋلىق ساقتاۋ ىسىنە قوسقان ۇلەسى مەن ءمىنسىز ادال ەڭبەگى ءۇشىن  دەنساۋلىق ساقتاۋ مينيسترلىگىنىڭ العىس حاتىمەن نارەستەلەر انەستەزيولوگياسى جانە جان ساقتاۋ بولىمشەسىنىڭ مەڭگەرۋشىسى گۇلبانۋ بەردياروۆا، ونكولوگيا/گەماتولوگيا پروفيلىندەگى ناۋقاستارعا ارنالعان جان ساقتاۋ جانە قارقىندى ەمدەۋ بولىمشەسىنىڭ رەانيماتولوگ دارىگەرى ەدىل قۇراقباەۆ، كارديورەۆماتولوگيا بولىمشەسىنىڭ اعا مەيىرگەرى ايجان پۋرمانوۆا، وپەراتسيا بلوگىنىڭ مەيىرگەرى حاليدام يۋسۋپوۆا ماراپاتتالىپ، ەرەكشە سىي-قۇرمەتكە بولەندى.

بارشا ماراپات يەلەرىنە قۇرمەت كورسەتىلىپ، گۇل شوقتارى تابىستالدى. ماراپاتتاردى ءوز قولىمەن تابىستاعان ورتالىق باسشىسى ريزا بورانباەۆا بارشا دارىگەرلەردى كاسىبي مەرەكەمەن قۇتتىقتاپ، اقجارما تىلەگىن ءبىلدىردى.

بۇگىنگى كۇنى عاسىرعا جۋىق تاريحى بار بىردەن-ءبىر بىرەگەي مەديتسينالىق مەكەمە – پەدياتريا جانە بالالار حيرۋرگياسى عىلىمي ورتالىعىندا بالا دەنساۋلىعىن نىعايتۋ جولىندا 700-دەن استام قىزمەتكەر ايانباي ەڭبەك ەتۋدە.

جىلىنا كلينيكادا رەسپۋبليكانىڭ ءار تۇپكىرىنەن 6000-نان اسا بالا ەم الادى. تاۋەلسىزدىك العان جىلداردان بەرى ورتالىقتا الەمدىك ستاندارت ساپاسىنا ساي جوعارى مەديتسينالىق تەحنولوگيالار قولدانىلىپ كەلەدى.  كلينيكادا جىلىنا 2000-نان اسا ءتۇرلى وپەراتسيالار جاسالىنادى.

شۇعىل كونسۋلتاتسيالىق كومەك كورسەتۋ ءۇشىن ورتالىقتىڭ رەانيماتولوگ، كارديوحيرۋرگ، پۋلمونولوگ جانە ت.ب. ماماندارى ەلىمىزدىڭ ءتۇرلى ايماقتارىنا  ۇشۋ ساپارلارىن جاسايدى. ايماقتارداعى جاعدايى اۋىر ناۋقاستارعا جىلىنا 300-دەن استام تەلەكەڭەستەر بەرىلەدى.

ورتالىق ەمدەۋ مەكەمەسى عانا ەمەس، پەدياتريالىق قىزمەتتەرگە ارنالعان كادرلاردىڭ ۇستاحاناسى، قر پەدياتريا قىزمەتىنىڭ نەگىزگى ۇيلەستىرۋشىسى. «پەدياتريا» جانە «بالا حيرۋرگياسى» سالاسى بويىنشا رەزيدەنتتەر وسىندا وقىتىلادى. مامانداردىڭ بىلىكتىلىگىن ارتتىرۋ دا جولعا قويىلعان. جىلىنا قازاقستان بويىنشا 1000-نان اسا دارىگەرلەر وقىتىلادى.

ورتالىق يننوۆاتسيالىق تەحنولوگيالاردى جانە مەديتسينا عىلىمىنىڭ وزىق جەتىستىكتەرىن قولدانا وتىرىپ قازاقستانداعى بالالاردىڭ دەنساۋلىعىن ساقتاۋ جانە نىعايتۋ، بالالارعا ساپالى مەديتسينالىق قىزمەت كورسەتۋ جانە وڭىرلەردە پەدياتريالىق قىزمەت جۇمىسىنىڭ ىسكە اسۋىن ۇيلەستىرۋ جۇمىستارىن ابىرويمەن اتقارۋدا.

ادام جانىنىڭ اراشاشىسى – اق حالاتتى ابزال جانداردىڭ ەڭبەكتەرi قانداي ماراپاتقا بولسا دا لايىق. ويتكەنى، ولار تىنىم تاپپاستان ادامزاتقا قىزمەت ەتىپ، ءومىر مەن ءولىم تايتالاسىنا تۇسكەن جاندارعا، قانشاما مىڭ سابيلەر مەن بالالارعا جاڭا ءومىر، جارىق كۇن سىيلاپ، كىشكەنتاي «جۇرەكتەردىڭ» جانىن ساقتاپ، بالا ساۋلىعى جولىندا ايانباي قىزمەت ەتىپ كەلەدى.

سوڭعى جاڭالىقتار