21 ماۋسىم 2019, 11:36 931 0 سپورت Túrkistan Gazeti

گولوۆكين مەن "كانەلو" جەكپە-جەگى قاشان وتەدى؟

قازاقستاندىق بوكسشى گەننادي گولوۆكين مەن مەكسيكالىق ساۋل الۆارەس اراسىندا ءۇشىنشى جەكپە-جەك جونىندە كەلىسسوز ءجۇرىپ جاتىر.

ەكى جاق ورتاق كەلىسىمگە كەلە الماي، ايقاس وتكىزەتىن الاڭعا قاتىستى قاراما-قايشىلىق تۋىنداعان بولاتىن. ويتكەنى، Golden Boy مەن «كانەلو» جەكپە-جەكتى لاس ۆەگاستا وتكىزگىسى كەلەدى، ال گولوۆكين بۇعان تۇبەگەيلى قارسى.

وسىعان قاتىستى DAZN ستريمينگ پلاتفورماسىنىڭ اتقارۋشى ديرەكتورى دجون سكيپپەر تۇسىنىك بەردى. ەسكە سالا كەتەيىك، قوس بوكسشى دا وسى سەرۆيسپەن كەلىسىمشارتقا وتىرعان.

"DAZN" پلاتفورماسىنىڭ جەتەكشىسى دجون سكيپپەر «كانەلو» مەن گولوۆكيننىڭ ءۇشىنشى رەت قولعاپ ءتۇيىستىرۋىن تالاپ ەتىپ وتىر. ول سپورتشىلار ءۇشىن كەلەسى جەكپە-جەك بولۋى كەرەك جانە تەزىرەك ءوتۋى كەرەك، سەبەبى ستريمينگ-سەرۆيس ەكى بوكسشىمەن دە قوماقتى كەلىسىمشارت جاساعان. سوندىقتان جازىلىمداردى كوبەيتۋ ءۇشىن بۇل ايقاس پلاتفورماعا وتە قاجەت»، - دەپ جازادى Boxingscene.com.

سوڭعى جاڭالىقتار