21 ماۋسىم, 10:00 741 0 تۋريزم Túrkistan Gazeti

قازاقستاندا ات ءتۋريزمى دامىماق

قازاق جىلقىلارىن دارىپتەۋ داستۇرگە اينالماق. ەرتەڭ ەلىمىزدە «كيەلى قازاقستان» كوپكۇندىك ەكسپەديتسياسى باستالادى. ۇلى دالانىڭ اتبەگىلىك ونەرى قازاقستان ءتۋريزمىن دامىتۋعا سەرپىن بەرمەك.

ۇيىمداستىرۋشىلار وسى ارقىلى اتتى ءتۋريزمدى دامىتپاقشى. سالت اتتىلار ون كۇن ىشىندە اقمولا، قاراعاندى، پاۆلودار وبلىستارى مەن بۇيراتاۋ، باياناۋىل ۇلتتىق پاركتەرىن ءجۇرىپ وتەدى. ءارى تاۋلىگىنە 50-60 شاقىرىمدى ەڭسەرمەك.

«جول جونەكەي جاقىن ماڭداعى اۋىلداردا لاگەر قۇرامىز»، - دەيدى ماماندار.  «وسى 10 كۇن ىشىندە اتپەن باياناۋىل ۇلتتىق پاركىنە جەتۋ كەرەكپىز. ونشاقتى ادام بولادى. نەگە وسى ەكسپەديتسيادا تەك قازاقتىڭ اتى بولادى دەگەنگە كەلسەك، كۇن سايىن 50-60 شاقىرىمعا قازاق جىلقىلارىنان باسقا جىلقىلار شىدامايدى»،-دەيدى Qazaqgeography رقب عىلىمي جانە ەكسپەديتسيا قىزمەتى بويىنشا دەپارتامەنت ديرەكتورى نۇرجان العاشوۆ.

سوڭعى جاڭالىقتار