20 ماۋسىم, 14:39 659 0 سپورت Túrkistan Gazeti

«TÚRKISTAN» ءتۋرنيرى

وتكەن اپتانىڭ سەنبىسى قولىنا قالام ۇستاعان جۋرناليستەر ادەتتەگىدەي فورۋم مەن كونفەرەنتسيادا ەمەس، سپورتتىق الاڭدا باس قوستى. باق وكىلدەرى اراسىندا پينگ-پونگ سپورتىنان رەس­پۋب­ليكالىق تۋرنير ءوتتى. اتالعان سپورتتىق باسەكە «TÚRKISTAN» حالىق­ارالىق ساياسي اپتالىعىنىڭ 25 جىلدىق مەرەيتويىنا، الدا كەلە جاتقان جۋرناليستەردىڭ ءتول مەرەكەسىنە وراي ۇيىمداستىرىلعان. قولىنا قالام ۇستاپ، حالىق پەن بيلىك اراسىنداعى التىن كوپىر بولعان تىلشىلەر قاۋىمى تەننيس راكەتكاسىمەن دە ورنەكتى ويىن وتكىزە الاتىنىن دالەلدەدى.

 ساعات ءتىلى ونعا جاقىنداعاندا قاتىسۋشىلاردىڭ العاشقى لەگى كەلىپ، ۇستەل ۇستىندەگى تەننيس ويناپ كورمەگەندەر ماشىقتانىپ، بىلەتىندەر قايتا جاتتىعىپ جاتتى. جالپى ۇستەل تەننيسى ۇلكەن تەننيستەن كەيىن ويلاپ تابىلعان. ءۇي جاعدايىندا ويناۋ ءۇشىن ويىن الاڭى، راكەتكا مەن شار كىشىرەيتىلىپ الىنعان. XX عاسىردىڭ باسىندا رەسمي تۇردە پينگ-پونگ اتاۋى بەرىلگەنىن، ونىڭ ءمانىسى راكەتكادان تەك وسى ەكى دىبىس قانا شىعاتىنىن قر تەننيس فەدەراتسياسىنىڭ وكىلدەرى ءسوز ەتتى. جارىسقا رەسپۋبليكانىڭ ءار ايماعىنان جالپى سانى 30-دان استام جۋرناليست پەن ءباسپاسوز حاتشىلارى قاتىستى. سايىس الدىندا ۇستەل تەننيسىنىڭ ماماندارى ەرەجەلەر مەن ەرەكشەلىكتەرىن ايتىپ، بىرنەشە مينۋتتىق شەبەرلىك ءدارىس تە وتكىزدى. وتىزدان استام قاتىسۋشى ءبىر-بىرىمەن كەزدەسپەۋ ءۇشىن كاسىبي سايىستاردا قولداناتىن توپقا ءبولىنۋ تاجىريبەسى قولدانىلدى. قىزدار ءبىر توپ، ەرلەر ەكى توپقا ءبولىنىپ ءوز ىشىندە مىقتىنى انىقتادى.

ۇيىمداستىرۋشىلار باسەكە بولعاسىن جۇلدەنى دە ويلاستىرعان. توپتان وزىپ شىققاندارعا اقشالاي سىيلىق بار دەگەسىن بە، سايىس «ءاۋ» دەگەننەن تارتىسقا تولى بولدى. تىپتەن سالا ماماندارى دا ءبىرىنشى رەت قولىنا راكەتكا ۇستاعان تىلشىلەر قاۋىمىنىڭ ويىن ورنەگىنە ءتانتى بولعانىن جاسىرىپ قايتەمىز. ايتەۋىر ءبىرى جەڭىپ، ءبىرى قالىپ فينالدىق باسەكەگە دە جەتتىك. ەرلەر اراسىندا ۇزدىك شىققان «تالدىقورعان» گازەتىنىڭ باس رەداكتورى دانيار سەيسەنباەۆ بولسا، قىزدار اراسىندا «سارىارقا» ايماقتىق گازەتىنىڭ ءفوتوتىلشىسى عاليا ابدىعاپپاروۆا كوش باستادى. پينگ-پونگتان 1936 جىلى پراگادا وتكەن سايىستا ەكى قارسىلاس ءبىر-بىرىمەن 2 ساعاتقا جۋىق شار الماسىپ رەكورد ورناتقان ەكەن. دانيار مەن عاليا اراسىنداعى العاشقى شار الماسۋ دا سوعان ۇقسادى. قوس مىقتى ءبىر-بىرىنە شار اسىرىپ بىرنەشە مينۋت تۇردى. ونىسى ءبىر-ءبىرىنىڭ قارىمىن بايقاپ، اڭدىسقانى دەپ ۇقتىق. جالپى پينگ-پونگ وتە جىلدام ويىن. ويىنشىلار ورتا ەسەپپەن مينۋتىنا 150 سوققى جاسايدى. ويىن كەزىندەگى شاردىڭ ۇشۋ جىلدامدىعى ساعاتىنا 170 شاقىرىمعا جۋىقتايدى ەكەن. 1988 جىلدان باستاپ وليمپيادالىق سپورت ءتۇرى رەتىندە كەڭىنەن ناسيحاتتالۋدا. «TÚRKISTAN» تەننيس ءتۋرنيرىنىڭ فينالى وليمپيادا ويىندارىنا بەرگىسىز قىزىقتى ءارى تارتىستى ءوتتى. ازعانا ەسەپ ايىرماسىمەن ءبىرىنشى كەزەڭدە عاليا جەڭىپ كەتتى. ەكىنشى كەزەڭنىڭ ەداۋىر بولىگىندە دانيار باسىمدىق يەلەنىپ تۇردى. تىپتەن ەسەپ تەڭەسپەيتىندەي كورىنگەن، ەرەكشە ەرىك-جىگەر تانىتقان عاليا جۇلدەنى تارتىپ الدى دەسە دە بولعانداي. وسىلايشا ءتۋرنيردىڭ باس جۇلدەسىن جەزقازعاننان ارنايى كەلگەن «سارىارقا» ايماقتىق گازەتىنىڭ ءفوتوتىلشىسى عاليا ابدىعاپپاروۆا يەلەندى.

«ۇستەل تەننيسىنە جانىم قۇمار. قولىم قالت ەتە قالسا راكەتكامدى الىپ، شار سوققاندى جاقسى كورەمىن. «TÚRKISTAN» باسىلىمى تۋرنير وتكىزگەلى جاتىر» دەگەن حابارلاندىرۋدى كورىپ، الماتىعا اسىقتىق. جارىس جوعارى دەڭگەيدە ءوتتى. جۋرناليستەر اراسىندا بۇل سپورت تۇرىمەن ماشىقتانعان جاندار بارشىلىق ەكەن. وسىنداي شارالار ءجيى بولىپ تۇرسا دەيمىز. ۇيىمداستىرۋشىلارعا كوپ راحمەت»، – دەدى   ع.ابدىعاپپاروۆا.

«TÚRKISTAN» حالىقارالىق ساياسي اپتالىعىنىڭ باس رەداكتورى قۋات اۋەسباي بۇل شارانىڭ وزىندىك ءمانى بار ەكەنىن ايتادى.

«قالتاي مۇحامەدجانوۆ نەگىزىن قالاعان باسىلىمنىڭ ەرەكشەلىگىن كوزى قاراقتى وقىرمان بىلەدى. سوندىقتان ءبىزدىڭ ۇجىم وتكىزەتىن شارالار دا ەرەكشە بولۋ كەرەك. شيرەك عاسىرلىق مەرەيتوي قارساڭىندا كونتسەرت پەن ءتۇرلى جيىندار وتكىزۋگە بولۋشى ەدى. بىراق ارىپتەستەردىڭ باسىن قوسىپ، سپورتتىق جارىستار وتكىزۋدى ءجون دەپ تاپتىق. بۇل ءۇردىس بولاشاقتا «TÚRKISTAN»-عا ءتان ەرەكشەلىك رەتىندە كوپكە ۇلگى بولادى دەپ ويلايمىن»، – دەيدى باسىلىم باسشىسى.

وتىزعا جۋىق باق وكىلدەرىنىڭ باسىن قوسقان شاراعا قر مادەنيەت جانە سپورت مينيسترلىگى، قر ۇستەل تەننيس فەدەراتسياسى مەن جەكە كاسىپكەرلەر دەمەۋشى بولدى. قاتىسۋشىلار ىشىندە تالدىقورعان قالاسىنىڭ جۋرناليستەرى ايشىقتى ونەر كورسەتتى.

اتاپ ايتساق، «تالدىقورعان» گازەتىنىڭ باس رەداكتورى دانيار سەيسەنباەۆ ەكىنشى ورىن، «وگني الاتاۋ» باسىلىمىنىڭ جاۋاپتى حاتشىسى اسحات التىنبەكوۆ ءۇشىنشى ورىندى قانجىعالاپ قايتتى. «تالدىقورعاننان الماتىعا كەلگەن نەگىزگى ماقسات – ارىپتەستەرمەن قاۋىشىپ، ەمەن-جارقىن اڭگىمەلەسۋ بولاتىن. سول ۇدەدەن شىقتىق. جۇلدەلى دە بولدىق. قۋانىشتىمىن. «TÚRKISTAN» – تۇركى جۇرتىنا ورتاق تانىمال باسىلىم. ستۋدەنت كەزىمىزدە ىزدەپ ءجۇرىپ وقىدىق. قازاق جۋرناليستيكاسىندا وزىندىك ورنى بار مەكتەپ دەسەك بولادى. شيرەك عاسىرلىق مەرەيتوي قۇتتى بولسىن»، – دەدى د. سەيسەنباەۆ.

تاعى ءبىر ءۇشىنشى ورىندى «TÚRKISTAN» گازەتىنىڭ 2016 جىلعا دەيىنگى قىزمەتكەرى ەسەنكۇل كاپقىزى يەلەندى. ونان وزگە مينيسترلىك تاعايىنداعان ارنايى جۇلدەمەن جۋرناليست اقنيەت وسپانباي، جاندوس ايتبايۇلى، ەسەنقۇل توقتاعۇل ماراپاتتالدى.

 

«تۇركىستان-اقپارات»

سوڭعى جاڭالىقتار