20 ماۋسىم 2019, 14:10 700 0 سىرتقى ساياسات دينارا مىڭجاسارقىزى

وزبەكستان گااگا كونفەرەنتسياسىنا مۇشە بولماق

وزبەكستان جىل سوڭىنا دەيىن حالىقارالىق جانە جەكە قۇقىق بويىنشا گااگا كونفەرەنتسياسىنا مۇشە بولۋدى جوسپارلاپ وتىر. بۇل تۋرالى ولكەنىڭ سىرتقى ىستەر مينيسترلىگىنىڭ ءباسپاسوز قىزمەتى حابارلادى.

مەكەمەنىڭ مالىمەتىنە قاراعاندا، وزبەك دەلەگاتسياسى اتالعان ۇيىمنىڭ 18-24 ماۋسىم كۇندەرى نيدەرلاندتا ءوتىپ جاتقان 22-ديپلوماتيالىق سەسسياسىنا قاتىسۋدا. وندا گااگا كونفەرەنتسياسى «ازاماتتىق جانە كوممەرتسيالىق ىستەر بويىنشا قابىل الىنعان شەتەلدىك سوتتاردىڭ شەشىمدەرىن اتقارۋ تۋرالى» كونۆەنتسيانى قابىلدايدى دەپ كۇتىلەدى.

ءسىم بىلدىرگەندەي، وزبەكستاننىڭ كونفەرەنتسياعا مۇشە بولۋعا بيىل ناۋرىزدا ۇسىنىس بىلدىرگەن.

1893 جىلى قۇرىلعان حالىقارالىق جانە جەكە قۇقىق بويىنشا گااگا كونفەرەنتسياسى بايىرعى ۇكىمەتتار ارالىق ۇيىمداردىڭ ءبىرى بولىپ ەسەپتەلەدى. ونىڭ ماقساتى — حالىقارالىق جانە جەكە قۇقىقتىق نورمالارىن ءبىر رەتكە كەلتىرۋ. وعان 82 مەملەكەت مۇشە.

سوڭعى جاڭالىقتار