20 ماۋسىم, 13:02 422 0 الەۋمەت Turkystan Support

"ۇكىمەت" ايدارى

جۇماعاليەۆ ءۇش سالانى تىزگىندەدى

قر پرەزيدەنتى قاسىم-جومارت توقاەۆ ەلىمىزدىڭ تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى قىزمەتىنە اسقار جۇماعاليەۆتى تاعايىندادى. اسقار قۋانىشۇلى سۆەردلوۆ سۋۆوروۆ اسكەري ۋچيليششەسىن، راكەتا اسكەرىنىڭ حاركوۆ جوعارى اسكەري كوماندالىق-ينجەنەرلىك ۋچيليششەسىن، ساتباەۆ اتىنداعى قازاق ۇلتتىق تەحنيكالىق ۋنيۆەرسيتەتىن، قازاق گۋمانيتارلىق زاڭ اكادەمياسىنىڭ زاڭ فاكۋلتەتىن، شۆەيتساريالىق فەدەراتيۆتىك تەحنولوگيالار ينستيتۋتىن بىتىرگەن. ەڭبەك جولىن 1996 جىلى «جارىق» جشس باس ديرەكتورى قىزمەتىنەن باستاعان. ءار جىلدارى «قازاقتەلەكوم» اق پرەزيدەنتى، پرەمەر-ءمينيستردىڭ ورىنباسارى، تسيفرلىق دامۋ، قورعانىس جانە اەروعارىش ونەركاسىبى ءمينيسترى بولدى.

 

ءبىلىم ءمينيسترىن تانىستىردى

ۇكىمەت باسشىسى اسقار مامين ءبىلىم جانە عىلىم مينيسترلىگىنىڭ ۇجىمىنا جاڭا مينيستر اسحات ايماعامبەتوۆتى تانىستىردى.  قازاق­ستان پرەزيدەنتىنىڭ جارلىعىمەن كۇلاش ءشامشيدينوۆا باسقا جۇمىسقا اۋىسۋىنا بايلانىستى ءبىلىم جانە عىلىم ءمينيسترى لاۋازىمىنان بوساتىلدى.

اسقار مامين ك.شامشيدينوۆاعا جەمىستى جۇمىسى ءۇشىن العىس ءبىلدىرىپ، جاڭا ورىندا ساتتىلىك تىلەدى. «كۇلاش نوعاتايقىزى – تاجىريبەسى مول باسشى. مينيستر قىزمەتىندە قارقىندى جۇمىس ىستەپ، ەلىمىزدىڭ ءبىلىم بەرۋ سالاسىنىڭ دامۋىنا ەلەۋلى ۇلەس قوستى»، – دەدى پرەمەر-مينيستر.

ۇكىمەت باسشىسى ءبىلىم سالاسىنىڭ جاڭا باسشىسى اسحات ايماعام-بەتوۆتىڭ ءتيىستى ءبىلىمى مەن ۇلكەن تاجىريبەسى بارىن اتاپ ءوتتى. اسحات ايماعامبەتوۆ ءار جىلدارى قاراعاندى وبلىسىنىڭ ءبىلىم باسقارماسىنىڭ باسشىسى، ءبىلىم جانە عىلىم ۆيتسە-ءمينيسترى قىزمەتتەرىن اتقاردى، قاراعاندى وبلىسى اكىمىنىڭ ورىنباسارى بولدى.

 

اقتوتى رايىمقۇلوۆا – مادەنيەت جانە سپورت ءمينيسترى

قازاقستان رەسپۋبليكاسىنىڭ مادەنيەت جانە سپورت ءمينيسترى بولىپ اقتوتى راحمەتوللاقىزى رايىمقۇلوۆا تاعايىندالدى. پارلامەنت ءماجىلى­سىن­دە الەۋمەتتىك-مادەني دامۋ كوميتەتىنىڭ وتىرىسى ءوتىپ، دەپۋتاتتار قازاقستاننىڭ مادەنيەت جانە سپورت ءمينيسترى قىزمەتىن باسقارۋعا اقتوتى رايىمقۇلوۆانىڭ كانديداتۋراسىن ماقۇلدادى.

رايىمكۇلوۆا اقتوتى راحمەتوللاقىزى، 1964 جىلى دۇنيەگە كەلگەن. قۇرمانعازى اتىنداعى الماتى مەملەكەتتىك كونسەرۆاتورياسىنىڭ «كومپوزيتسيا» جانە «فورتەپيانو» ماماندىقتارىن (1987 ج.), «كومپوزيتسيا» ماماندىعىنىڭ اسيستەنتۋراسىن (1994 ج.) ءبىتىردى. ول ءار كەزدەرى قازاق مەملەكەتتىك قىزدار پەداگوگيكالىق ينستيتۋتىنىڭ وقىتۋشىسى، قۇرمانعازى اتىنداعى الماتى مەملەكەتتىك كونسەرۆاتورياسىنىڭ وقىتۋشىسى، قۇرمانعازى اتىنداعى الماتى مەملەكەتتىك كونسەرۆاتورياسىندا اسيستەنتۋرا-ستاجەر قىزمەتىن اتقارعان.

2013-2014 جىلدارى – قۇرمانعازى اتىنداعى الماتى مەملەكەتتىك كونسەرۆاتورياسىندا عىلىمي-شىعارماشىلىق ىستەرى جونىندەگى پرورەكتورى، بۇدان سوڭ قر مادەنيەت جانە سپورت مينيسترلىگى مادەنيەت جانە ونەر ىستەرى كوميتەتى توراعا ورىنباسارىنىڭ مىندەتىن اتقاردى.

2014-2016 جىلدارى – مادەنيەت جانە سپورت مينيسترلىگى مادەنيەت جانە ونەر ىستەرى دەپارتامەنتىنىڭ ديرەكتورى جانە ۆيتسە-مينيستر قىزمەتىنە تاعايىندالعان.

 

 

جاڭا مينيسترلىكتەر جۇمىسىن باستادى

قازاقستان پرەزيدەنتى ق.توقاەۆتىڭ جارلىعىمەن قازاقستان رەسپۋبليكاسىنىڭ ساۋدا جانە ينتەگراتسيا مينيسترلىگى مەن ەكولوگيا، گەولوگيا جانە تابيعي رەسۋرستار مينيسترلىگى كۇرىلدى. ءماجىلىستىڭ ەكولوگيا ماسەلەلەرى جانە تابيعات پايدالانۋ كوميتەتىنىڭ وتىرىسىندا دەپۋتاتتار قر ەكولوگيا، گەولوگيا جانە تابيعي رەسۋرستار ءمينيسترى لاۋازىمىنا تاعايىنداۋعا ماعزۇم مىرزاعاليەۆتىڭ كانديداتۋراسىنا كەلىسىم بەردى. پرەمەر-ءمينيستردىڭ تاپسىرماسى بويىنشا كانديداتتى پرەمەر-مينيستر كەڭسەسىنىڭ باسشىسى عالىمجان قويشىباەۆ تانىستىردى. ال مەملەكەت باسشىسىنىڭ جارلىعىمەن قر ساۋدا جانە ينتەگراتسيا ءمينيسترى بولىپ باقىت سۇلتانوۆ تاعايىندالدى. ۇجىمعا جاڭا ءمينيستردى قر پرەمەر-ءمينيسترى اسقار مامين تانىستىردى. اسقار مامين تانىستىرۋ بارىسىندا ب. سۇلتانوۆتىڭ باسشىلىق قىزمەتتەردەگى كوپ جىلدىق جۇمىس تاجىريبەسىن اتاپ ءوتتى. ول ەكونوميكا جانە بيۋدجەتتىك جوسپارلاۋ، قارجى مينيسترلىكتەرىن باسقارعان. ءار جىلداردا پرەمەر-ءمينيستردىڭ ورىنباسارى، پرەزيدەنتتىڭ كومەكشىسى، پرەزيدەنت اكىمشىلىگى باسشىسىنىڭ ورىنباسارى قىزمەتتەرىندە بولعان. وسىعان دەيىن نۇر-سۇلتان قالاسىنىڭ اكىمى قىزمەتىن اتقارعان.

سوڭعى جاڭالىقتار