19 ماۋسىم, 10:25 368 0 قوعام TURKYSTAN.KZ

اۆتوبۋس جۇرگىزۋشىلەرىن "كرەسلو" باقىلايدى

الماتىدا قوعامدىق كولىك جۇرگىزۋشىلەرىنىڭ دەنساۋلىعىن ورىندىقتارى تەكسەرەتىن بولدى. بۇل تۋرالى قالالىق موبيلدىلىك باسقارماسى باسشىسىنىڭ ورىنباسارى قانات بايقوڭىروۆ ايتتى.

«ەلىمىزدە اۆتوبۋس جۇرگىزۋشىلەرىنىڭ دەنساۋلىعىنا بايلانىستى جول اپاتتارى ءجيى بەلەڭ الىپ كەلەدى. وسىعان بايلانىستى الماتىدا جاز سوڭىنا دەيىن جۇرگىزۋشىلەردىڭ دەنساۋلىعىن تەكسەرەتىن ەلەكتروندى جۇيە ويلاستىرىلىپ جاتىر. بۇل قۇرال جۇرگىزۋشىلەردىڭ ۋاقىتشا جۇمىسقا قابىلەتىنىڭ جوقتىعىن نەمەسە قابىلەتتى ەكەنىن مەديتسينالىق تۇرعىدان تەكسەرەدى»، - دەدى facebook-تەگى پاراقشاسىندا قانات بايعوڭىروۆ.

ارنايى داتچيكتەرمەن جابدىقتالعان ورىندىق ادامنىڭ ارتەريالدى قان قىسىمىن، تامىر سوعىسىن، تەمپەراتۋراسىن انىقتايتىن بولادى. سونىمەن قاتار، الكوگولدىك جانە ەسىرتكى زاتتارىن قولدانعانىن كورسەتىپ بەرە الادى. بۇل اقپارات ارنايى جۇيەمەن وڭدەلىپ بولعان سوڭ، جۇرگىزۋشىگە كولىك تىزگىندەۋگە رۇقسات بەرىلەدى.

ەلەكتروندى جۇيە جۇرگىزۋشىلەردىڭ كەسىرىنەن بولاتىن جول اپاتتارىن تومەندەتۋگە مۇمكىندىك بەرەدى.

سوڭعى جاڭالىقتار