18 ماۋسىم, 13:59 650 0 وقشانتاي Túrkistan Gazeti

«تۇركىستانىم – تۇرانىم» اتتى  بۇقارالىق مارافون ءوتتى

ەلباسى جارلىعىمەن تۇركىستان وبلىسىنىڭ قۇرىلعانىنا 1 جىل تولۋىنا وراي «تۇركىستانىم – تۇرانىم» اتتى بۇقارالىق مارافون ءوتتى. وبلىس اكىمى ومىرزاق  شوكەەۆتىڭ قولداۋىمەن تۇڭعىش رەت ۇيىمداستىرىلعان جارىسقا وبلىستىڭ بارلىق ايماعىنان 1000-نان اسا تۇرعىندار قاتىسىپ، جەڭىمپازداردى انىقتادى.

الدىمەن مارافونعا قاتىسۋشىلاردى وبلىستىق سپورت باسقارماسىنىڭ باسشىسى پولات قىرىقباەۆ قۇتتىقتاپ، مىقتىلاردىڭ جەڭىسكە جەتۋىن تىلەدى. مارافون پاراسات ساياباعىنان باستالىپ، قازىبەك بي كوشەسى ارقىلى ەسىمحان الاڭىندا اياقتالدى. جالپى 5 شاقىرىم قاشىقتىقتى قۇرايتىن مارافونعا 5 جاستان 75 جاسقا دەيىنگى تۇرعىندار قاتىسىپ، بەلسەندىلىك تانىتتى.

تارتىسقا تولى باسەكەدە مارە سىزىعىن ءبىرىنشى بولىپ، كەنتاۋلىق ارداچەر زاحيتدينوۆ كەستى. ول قارسىلاستارىن ات شاپتىرىم جەر ارتقا تاستاپ مىقتىلىعىن دالەلدەدى. ال، ەكىنشى ورىندى اقتىلەك قۇرالباي يەلەنسە، ءۇشىنشى ورىندى باقداۋلەت ابدۋجامال ەنشىلەدى.

وندان بولەك مارافونعا قاتىسقان ەڭ جاس 5 سپورتشىمەن جاسى 70 تەن اسقان 5 مارافونشىعا ۇيىمداستىرۋشىلار تاراپىنان باعالى سىيلىقتار بەرىلدى.

سوڭعى جاڭالىقتار