18 ماۋسىم 2019, 13:49 670 0 قاۋىپسىزدىك Túrkistan Gazeti

كيىك اتۋ تيىلماي تۇر

قر اۋىل شارۋاشىلىعى مينيسترلىگى قۇزىرلى ورگاندارمەن بىرلەسىپ، براكونەرلىككە قارسى جەدەل ءىس-شارالار جوسپارىن ازىرلەدى.

بۇل تۋرالى قر اۋىل شارۋاشىلىعى ءمينيسترى ساپارحان وماروۆ  ايتىپ بەردى. «قازىرگى ۋاقىتتا كيىك اتۋ فاكتىلەرى توقتاماي تۇر. 2018 جىلى 77 براكونەرلىك فاكتىسى انىقتالىپ، 500 كيىكتىڭ ءمۇيىزى تاركىلەندى. مينيسترلىك باس پروكۋراتۋرامەن، ىشكى ىستەر مينيسترلىگىمەن، ۇلتتىق قاۋىپسىزدىك كوميتەتىمەن بىرلەسىپ، براكونەرلىككە قارسى جەدەل ءىس-شارالار جوسپارىن ازىرلەدى. وندا براكونەرلىكپەن كۇرەس جونىندەگى قىسقا مەرزىمدى جانە ۇزاق مەرزىمدى جەدەل ءىس-شارالار كوزدەلگەن»، - دەدى مينيستر قازمەديا ورتالىعىندا حالىققا ەسەپ بەرۋ كەزدەسۋىندە.

ءمينيستردىڭ ايتۋىنشا، 2017 جىلى كيىكتەر سانى - 152 مىڭ بولسا، 2018 جىلى - 215 مىڭعا جەتىپ، ولاردىڭ ءوسىمى 41%-دى قۇراعان. سونىمەن بىرگە، ورمانداردى ۇلعايتۋ ماقساتىندا مينيسترلىك  وبلىس اكىمدەرىمەن بىرلەسىپ، 2030 جىلعا دەيىنگى قادامدىق جوسپارلاردى بەكىتكەن. 2018 جىلى 52,7 مىڭ گەكتارعا كوشەت وتىرعىزىلعان. ەرەكشە قورعالاتىن تابيعي اۋماقتار جۇيەسىن دامىتۋ شەڭبەرىندە شىعىس قازاقستان وبلىسىندا «تارباعاتاي» مەملەكەتتىك ۇلتتىق تابيعي پاركى مەن الماتى وبلىسىندا «ىلە-بالقاش» تابيعي رەزەرۆاتى قۇرىلعان. وسىلايشا، رەسپۋبليكانىڭ ەرەكشە قورعالاتىن تابيعي اۋماعىنىڭ الاڭى 24,7 ملن گەكتارعا نەمەسە ەل اۋدانىنىڭ 9%-نا جەتكەن.

 

سوڭعى جاڭالىقتار