17 ماۋسىم 2019, 12:05 811 0 ونەر Túrkistan Gazeti

«قاسىم حان» سەريالىنىڭ دايىندىق جۇمىستارى باستالدى

«قاسىم حان» سەريالى تۇسىرىلەتىن باق وكىلدەرى ءبىرشاما ۋاقىتتان بەرى ايتىپ، جازىپ ءجۇر. جۋىردا قر مادەنيەت جانە سپورت ءمينيسترى ارىستانبەك مۇحامەديۇلى ءتۇسىرىلىم وتەتىن ايماققا بارىپ، فەيسبۋكتەگى پاراقشاسىنا ءبىرشاما اقپارات قالدىردى. مينيستر ا.مۇحامەديۇلىنىڭ ايتۋىنشا سەريالدىڭ 3 ماۋسىمدىق سەرياسىن قوسا ەسەپتەگەندە 75 بولىمنەن تۇرادى.

«تۇركىستان وبلىسىنا جۇمىس ساپارىمەن بارىپ، وتىرار توبە جانە وتىرار ساپار ورتالىعىمەن تانىستىق. مەنىمەن بىرگە تانىمال «ەرتۇعىرىل» سەريالىنىڭ اۆتورى جانە رەجيسسيورى گيۋناي مەتين مەن جۋرناليستەر باردى. جاقىندا ەلىمىزدە قازاق تاريحىنداعى ماڭىزدى تۇلعا - قاسىم حان تۋرالى سەريال تۇسىرىلەتىنىن بىلەسىزدەر. ەلباسىنىڭ ارنايى شاقىرتۋىمەن كەلگەن گيۋناي مەتين ستسەناري جازىپ، رەجيسسيور رەتىندە تاريحي ورىنداردى كورۋگە اتتاندى. ءبىز وتىرار، سارايشىق، ساۋران سىندى قالالارىمىزدى الەمگە تانىتۋىمىز كەرەك»، - دەپ جازدى مينيستر.

ونىڭ اتاپ وتۋىنشە، «قاسىم حان» سەريالى بارلىق جاعىنان ماڭىزدى جوبا سانالادى. ءۇش ماۋسىم بويى ۇزاقتىعى 75 سەريا ءتۇسىرۋ جوسپارلانىپ وتىر. قازىرگى تاڭدا دايىندىق جۇمىستارى جۇرگىزىلۋدە: كوستيۋمدەردىڭ ەسكيزدەرى، سول كەزدىڭ تۇرمىستىق زاتتارى جاسالۋدا. جاقىندا فيلمگە كاستينگ جاريالاناتىن بولادى، وعان ەلىمىزدىڭ ارتىستەرى شاقىرىلادى. تاريحىمىزدى الەمگە كورسەتۋ ماقساتىندا بۇل سەريالدىڭ ورنى ەرەكشە بولماق.

«وسىعان بايلانىستى تۇركىستان وبلىسىندا سالىنىپ جاتقان وتىرار ساپار ورتالىعىن كوردىك. بۇل - ەلىمىزدەگى ەڭ ءىرى مادەني تۋريزم ورتالىعى. ساپار ورتالىعىن سالۋداعى ماقسات: وتىرار ءوازيسىنىڭ مادەني مۇراسىن ەلىمىز بەن شەتەلگە تانىستىرۋ، تاريحي-مادەني نىسانداردى قورعاۋ مەن ساقتالۋىن قامتاماسىز ەتۋ. ساپار ورتالىعى زاماناۋي تەحنيكامەن جابدىقتالعان، عىلىمي ارحيۆ، ءدارىس زالى، قور ساقتايتىن بولمەلەر، شەبەرحانالار قاراستىرىلعان. تاريحي-مادەني ورىنداردى ساقتاپ، ولاردى الەمگە تانىتۋ ءۇشىن قر مادەنيەت جانە سپورت مينيسترلىگى قىرۋار جۇمىس اتقارىپ جۇرگەنى كوپشىلىككە ءمالىم. وتىرار ساپار ورتالىعى - وسى باعىتتاعى ماڭىزدى قادام»، - دەدى ارىستانبەك مۇحامەديۇلى.

سوڭعى جاڭالىقتار