17 ماۋسىم 2019, 11:48 656 0 بيزنەس Túrkistan Gazeti

"Bala business holiday" اياقتالدى

پاۆلوداردا جاس بيزنەسمەندەردىڭ «Bala business holiday» جازعى مەكتەبى ءوز جۇمىسىن اياقتادى.

«پاۆلودار  وبلىسىنىڭ جاس بۋىنىن تاربيەلەۋدىڭ تۇجىرىمداماسى جانە «رۋحاني جاڭعىرۋ» باعدارلاماسىنىڭ شەڭبەرىندە وتكەن وقۋ جىلىندا «Bala business» جوباسى ىسكە اسىرىلدى»، - دەدى ءباسپاسوز قىزمەتىندە.

م.م.كاتاەۆ اتىنداعى وقۋشىلار سارايىندا «Bala business holiday» جاس بيزنەسمەندەردىڭ مەكتەبى جۇمىس ىستەدى. وقىتۋ باعدارلاماسىندا بيزنەس-باپكەرلەردىڭ جانە  كوۋچەرلەردىڭ ترەنينگتەرى، ءوڭىردىڭ الدىڭعى قاتارداعى بيزنەسمەندەرىمەن كەزدەسۋلەر قاراستىرىلدى. جاس قاتىسۋشىلار ءوز جوباسىنىڭ تۇساۋكەسەرىن ءتيىمدى جاساپ جانە تابىسقا جەتۋ جولدارى تۋرالى يننوۆاتسيالىق ەۋرازيا ۋنيۆەرسيتەتىنىڭ وقىتۋشىسى، پسيحولوگيا عىلىمىنىڭ كانديداتى، دوتسەنت تاتيانا كراۆتسوۆانىڭ  قىزىقتى كوۋچينگىنەن زەردەلەندى.

ال ينەۋ دەكانى، ەكونوميكا عىلىمدارىنىڭ كانديداتى، دوتسەنت، «كاسىپكەرلىك ۋنيۆەرسيتەت» جوباسىنىڭ جەتەكشىسى زۋبيراش سماعۇلوۆا  ەكونوميكالىق ستارتاپ جوبالارىن قۇرۋ قۇپيالارىمەن ءبولىستى.

جاس بيزنەسمەندەرمەن كەزدەسۋدە كاسىبي فوتوگراف، جارناما جانە پوليگرافيا ورتالىعىنىڭ ديرەكتورى الەكساندر پارحومەنكو ءوز بيزنەسىن قالاي قۇرۋ جانە العا قويعان ماقساتقا جەتۋ تۋرالى بايانداپ بەردى.

وقۋشىلار سارايىنىڭ پەداگوگتەرى ەۆگەنيا لەدەنەۆا، ەلەنا ميرزويان  جانە پاۆەل سەربينەنكو «دەكۋپاج»، «اكۆا-گريم» جانە وزگە دە وقۋشىلارعا قىزىقتى شەبەرلىك-سىنىپتار وتكىزدى. وقۋلاردان سوڭ س.تورايعىروۆ اتىنداعى پمۋ ستارتاپ اكادەمياسىنىڭ مۇراجايىنا جانە وقۋشىلار سارايىنىڭ وبسەرۆاتورياسى مەن پلانەتاريگە ەكسكۋرسيا ۇيىمداستىرىلدى.

«مەنىڭ ستۋدەنتتەرمەن جۇمىس ىستەۋ تاجىريبەم وقۋشىلارعا بيزنەس - جوسپارلارىن ازىرلەۋ بويىنشا ترەنينگ وتكىزۋگە مۇمكىندىك بەردى. بۇل بالالاردىڭ تىڭ يدەيالارى مەن قىزىقتى ويلارى بار. كىشكەنتاي جاسىنا قاراماستان ولاردىڭ ءوز جوسپارلارى مەن ەسەپتەرى وتە كەرەمەت. ولاردىڭ جوبالارى ءبىزدىڭ ۇلتتىق داستۇرلەرىمىزدى، ادەت-عۇرىپتارىمىزدى ساقتاۋعا باعىتتالعان.  ۇلتتىق ونىمدەردى، ۇلتتىق ويۋ-ورنەگى بار بۇيىمداردى وندىرۋگە بايلانىستى جوبالار ەرەكشە. مىسالى، «حان تالاپاي» جوباسى قارجىلاندىرۋعا دايىن جانە ۇلكەن سۇرانىسقا يە بولادى. بارلىق جوبالار ىسكە اسىرىلعانىن قالايمىن»، - دەدى زۋبيراش سماعۇلوۆا. جاس بيزنەسمەندەر مەكتەبىنىڭ بارلىق  قاتىسۋشىلارى سەرتيفيكاتتارعا يە بولدى.

تەگتەر Bala business holiday

سوڭعى جاڭالىقتار