16 ماۋسىم, 12:31 531 0 قوعام TURKYSTAN.KZ

مىندەت! ابىروي! ەرلىك!

قازاق اسكەرىنىڭ ەليتالى وكىلدەرىن دايىندايتىن «ارىستان» مامانداندىرىلعان ليتسەيى كەزەكتى تۇلەكتەرىن ءبىتىرىپ شىعاردى.

سالتاناتتى جيىن قر مەملەكەتتىك ءانۇرانى ورىندالۋىنان كەيىن ليتسەي باسشىسى پەداگوگيكا عىلىمدارىنىڭ دوكتورى، زاپاستاعى گەنەرال-مايور تاۋلانوۆ ءسابيت ساۋمەنۇلىنىڭ قۇتتىقتاۋ سوزىمەن اشىلدى.

«قۇرمەتتى تۇلەكتەر، سەندەر قازاقستاننىڭ بولاشاعىسىڭدار. ليتسەيدە العان ءبىلىم مەن تاربيە ءومىر بويىنا ازىق بولادى دەپ ويلايمىن. بۇگىن ءبىتىرىپ جاتقان 80 بالانىڭ ءاربىرى ەل دامۋىنا ۇلەس قوسادى دەپ ويلايمىن. ەندەشە، اق جول، جولدارىڭ بولسىن»، – دەدى ليتسەي باسشىسى س.تاۋلانوۆ.

ليتسەيدى ءبىتىرۋشى تۇلەكتەرگە مامانداندىرىلعان ليتسەي «ارىستاندى» بىتىرۋلەرى تۋرالى سالتاناتتى تۇردە اتتەستاتتار مەن ارنايى ءتوس بەلگىلەرى تاپسىرىلىپ، بولاشاق ومىرلەرىنە ءسات ساپار ايتقان اق تىلەكتەر لەگى اعىلدى. ليتسەيستەر التىن ۇيا – «ارىستان» ليتسەيىنىڭ تۋىمەن قوشتاسىپ، بولاشاق بىتىرۋشىلەرگە ارنالعان كاپسۋلانى ورناتتى.

سالتاناتتى جيىنعا «نۇرسۇلتان نازارباەۆتىڭ ءبىلىم بەرۋ قورى» قوعامدىق قورىنىڭ ديرەكتورىنىڭ ورىنباسارى، پروفەسسور سىزدىكوۆا عايشا ناسىروۆقىزى، تالعار اۋدانىنىڭ اكىمى ر.ا.ساتباەۆ، قر قارۋلى كۇشتەرىنىڭ ارداگەرلەرى مەن قر قۇرلىق اسكەري كۇشتەرىنىڭ باسشىلىعىنان پولكوۆنيك رىسباي اسحات پەن اتا-انالار كوميتەتىنىڭ وكىلدەرى مەن وزگە دە قوناقتار قاتىستى.

بيىل «ارىستان» ليتسەيىنىڭ قۇرىلعانىنا 8 جىل. ديتسەي ۇجىمى 7-رەت تۇلەكتەرىن شىعارىپ سالدى. سولاردىڭ ءبىرازى اقش، بەلارۋس، قىتاي، رەسەي، تۇركيا، ۋكراينادان ءوز ۆيدەو قۇتتىقتاۋلارىن جولدادى. ەندى بىرەۋلەرى ليتسەيىن قۇتتىقتاۋ ءۇشىن ارنايى كەلىپ، جاڭا بۋىنعا ساتتىلىك تىلەدى. ءبىر وتباسىدان بىرنەشە ۇلاننىڭ ليتسەيدە ءوز بىلىمدەرىن جالعاستىرۋىنىڭ كورىنىسى رەتىندە اعالى-ءىنىلى كۋرسانتتار مەن ليتسەيستەرگە ارنايى ءسوز بەرىلدى.

ال «ارىستاننىڭ» بۇگىنگى تاربيەلەنۋشىلەرى قوناقتارعا ءوز كەزەگىندە زاپاستاعى پولكوۆنيك ۆ.ۆ.نەبىليتسانىڭ باسشىلىعىمەن قارۋمەن اسكەري ساپتىق امالدارىن ورىنداپ جانە زاپاستاعى پولكوۆنيك ا.ت.بەكيشەۆتىڭ باسشىلىعىمەن 3 ءتۇرلى سپورت تۇرىنەن كورىنىستىك جاتتىعۋلار قيمىلىن كورسەتىپ، كورەرمەندەردى ريزا ەتتى.

حورەوگراف مۇعالىم يۋ.س.لەمەشكينانىڭ كوركەمدىك جەتەكشىلىگىمەن تاماشا ۆالس ءبيىن تارتۋ ەتتى. سونىمەن قاتار ليتسەيدىڭ قۇرمەتتى قاراۋىل ۆزۆودىنىڭ ايبىندى جىگىتتەرى كارابينمەن ساپتىق تاسىلدەرىن ورىنداپ، شەبەرلىكتەرىن كورسەتتى. مەرەكەنىڭ جالعاسى «ارىستان» مامانداندىرىلعان ليتسەي وقۋشىلارىنىڭ تولىق قۇرامىنىڭ سالتاناتتى شەرۋىنە ۇلاستى. بۇل ءراسىم ءار ليتسەيستىڭ جۇرەگىنە ماقتانىش سەزىمىن ۇيالاتادى. سالتاناتتى شەرۋدى ليتسەي تۋىن ۇستاۋشى توپ باستادى. تۋ ۇستاۋشى توپ قۇرامى: زاپاستاعى كاپيتان سادىكوۆ اسقار سەرىكبولۇلى جانە وقۋ ۇلگەرىمى مەن ساپ دايىندىعى بويىنشا 11 – سىنىپتىڭ ۇزدىك ليتسەيستەرى – سەريكباي ەركەتان، ەسەنوۆ حابدۋللا، باحىتجان قاجىمۇقان «ارىستان» مامانداندىرىلعان ليتسەيىنىڭ تۋىن ورتاعا الىپ شىعىپ، كەلەسى وقۋ جىلىنىڭ ۇزدىك ليتسەيستەرىنە تابىستادى.

جيىن سوڭى ليتسەي وقۋشىلارىنىڭ سالتاناتتى اسكەري ساپتا ءجۇرۋ شەرۋىمەن اياقتالدى. جيىنعا قاتىسقان قوناقتار ليتسەي باسشىسى زاپاستاعى گەنەرال-مايور،

پەداگوگيكا عىلىمدارىنىڭ دوكتورى، پروفەسسور، ءسابيت ساۋمەنۇلى تاۋلانوۆقا، ۇستازدار ۇجىمىنا، ليتسەي قىزمەتكەرلەرىنە، وقۋشىلارىنا ليتسەيدىڭ بولاشاقتا بۇدان بيىك جەتىستىكتەرگە جەتۋىنە ىستىق لەبىزدەرىن ءبىلدىرىپ، شىنايى قۋانىشتارىمەن ءبولىستى.

ءبىتىرۋ كەشى كەش قاتىسۋشىلارى مەن قوناقتارىنا سالتاناتتى كوڭىل كۇي سىيلادى، ليتسەيستەردىڭ جىگەر مەن شاتتىق، وتانشىلدىق رۋحىن قوناقتارعا دارىتتى. قوناقتار بولاشاققا دەگەن سەنىمدەرىن شىڭداپ، «ارىستان» اتتى اسكەري باعىتتاعى مامانداندىرىلعان ليتسەي تۇلەكتەرىنەن ۇلكەن ءۇمىت ارقالاپ قايتتى. سەبەبى ءار مەملەكەت ءوزىنىڭ قارۋلى كۇشتەرىمەن عانا قاۋىپ-قاتەردەن قورعانا الادى. اسكەرى كۇشتى مەملەكەت جاھاندانۋ الەمىندە ءوز ورنىن ساقتايدى. ال ءبىزدىڭ ارىستاندىقتار ءبىزدىڭ كەمەل بولاشاعىمىزدىڭ قاۋىپسىزدىگىن قورعايتىن ەليتالىق قۇرام بولىپ قالىپتاسادى. ءبىزدىڭ ليتسەي وتان قورعاۋشىلاردىڭ ساپالى توبىن قالىپتاستىرۋعا كۇش سالۋدا. قازاقستان قارۋلى كۇشتەرىنىڭ قاتارىن تولىقتىراتىن ءبىلىمدى دە، سانالى، پاتريوت بولاشاق اسكەري قىزمەتكەرلەرگە تەك اق جول تىلەيمىز! كوك بايراعىمىز كوگىمىزدە ماڭگى جەلبىرەسىن، وتان قورعاۋشى ۇلاندار سانى مەن ساپاسى جىل سايىن ارتا بەرسىن! العا «ارىستان!».

سوڭعى جاڭالىقتار