14 ماۋسىم, 17:12 441 0 زاڭ دينارا مىڭجاسارقىزى

جاڭا زەلانديادا مەشىتتەرگە شابۋىلداۋشى كىناسىن مويىندامادى

جاڭا زەلاندياداعى كرايستچيورچ قالاسىنداعى مەشىتتەرگە شابۋىل جاساعان اۆستراليا ازاماتى برەنتون تاررانت كىناسىن مويىنداۋدان باس تارتتى.

New Zealand Herald گازەتىنىڭ حابارلاۋىنشا، سوتقا ونىڭ ادۆوكاتتارى قاتىسىپ جاتىر، ال تاررانت سوت الدىندا وكلەندتەگى تۇرمەدەن بەينەبايلانىس ارقىلى جاۋاپ بەردى. باسىلىمنىڭ حابارلاۋىنشا، سوتتالۋشى سوت وتىرىسىن مىسقىلمەن باقىلاعان.

سوت پروتسەسى 2020 جىلدىڭ مامىر ايىنا تاعايىندالدى.

28 جاستاعى برەنتون تاررانتقا تەرروريزم قىلمىسى، 51 ادامدى ءولتىرۋ جانە 40 ادامنىڭ ومىرىنە قاۋىپ ءتوندىرۋ ايىپتارى تاعىلعان.

15 ناۋرىزدا تاررانت كرايستچيورچ قالاسىنداعى مەشىتتەردىڭ بىرىنە كەلۋشىلەرگە وق اتتى، ودان سوڭ قاشىپ كەتىپ، تاعى ءبىر مەشىتكە شابۋىلدادى. تاررانت شابۋىل بارىسىن Facebook ارقىلى تىكەلەي ەفيردە تاراتقان.

وسى وقيعادان سوڭ جاڭا زەلانديا قارۋ ۇستاۋ تۋرالى زاڭدارىن قاتايتتى.

سوڭعى جاڭالىقتار