14 ماۋسىم 2019, 17:04 638 0 سىرتقى ساياسات دينارا مىڭجاسارقىزى

 بىشكەك دەكلاراتسياسىنا قول قويىلدى

  بۇگىن شانحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسى 19-وتىرىسىنىڭ قورىتىندىسىندا بىشكەك دەكلاراتسياسىنا قول قويىلدى. ,

شىۇ-عا مۇشە مەملەكەتتەردىڭ باسشىلارى مۇنان بولەك 13 قۇجاتتى راسىمدەدى. ولاردىڭ قاتارىندا 2018-2023 جىلدارعا ارنالعان شىۇ-عا مۇشە مەملەكەتتەردىڭ ەسىرتكىگە قارسى ستراتەگياسىن ورىنداۋ بويىنشا ءىس-قيمىل باعدارلاماسىنىڭ تارماقتارىن جۇزەگە اسىرۋ جونىندەگى جۇمىس جوسپارىن بەكىتۋ تۋرالى، شىۇ-عا مۇشە مەملەكەتتەر ءوڭىر باسشىلارىنىڭ فورۋمى رەگلامەنتىن بەكىتۋ تۋرالى،  شىۇ-عا مۇشە مەملەكەتتەردىڭ وڭىرارالىق ىنتىماقتاستىعىن دامىتۋ باعدارلاماسىن بەكىتۋ تۋرالى،  شىۇ حاتشىلىعى مەن بۇۇ-نىڭ گۋمانيتارلىق ماسەلەلەردى ۇيلەستىرۋ باسقارماسى اراسىنداعى ءوزارا تۇسىنىستىك تۋرالى مەموراندۋمعا قول قويۋ تۋرالى، شىۇ حاتشىلىعى مەن دۇنيەجۇزىلىك تۋريستىك ۇيىم اراسىنداعى ءوزارا تۇسىنىستىك تۋرالى مەموراندۋمعا قول قويۋ تۋرالى، شىۇ حاتشىلىعى مەن "استانا" حالىقارالىق قارجى ورتالىعى اراسىنداعى ءوزارا تۇسىنىستىك تۋرالى مەموراندۋمعا قول قويۋ تۋرالى شەشىمدەر بار. سونىمەن قاتار شانحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسى اياسىندا ۇيىمعا مۇشە ەلدەردىڭ مەملەكەتتىك ورگاندارى اراسىندا دا بىرقاتار قۇجاتتار قابىلداندى.

سوڭعى جاڭالىقتار