14 ماۋسىم 2019, 16:00 602 0 ىشكى ساياسات Túrkistan Gazeti

IPR Center جايلى نە بىلەسىز؟

قازاقستاندا اقش تاجىريبەسىنە ۇقساس IPR Center قۇرىلادى. بىرىڭعاي ۇيلەستىرۋ ورتالىعى (IPR Center) ينۆەستورلارعا جايلى جاعداي جاساۋ ءۇشىن جۇمىس اتقارماق.

«ينۆەستيتسيا تارتۋ ۇكىمەتتىڭ الدىنداعى باستى مىندەتتەردىڭ ءبىرى. قازاقستاندا ءوز جوبالارىن ىسكە اسىرۋعا ۇمىتتەنگەن ينۆەستورلار مەنشىك قۇقىقتارى، ونىڭ ىشىندەگى زياتكەرلىك مەنشىككە قۇقىعى قورعالاتىنىنا سەنىمدى بولۋى كەرەك.

2018 جىلدىڭ 20 ماۋسىمىندا زياتكەرلىك مەنشىك سالاسىندا زاڭ قابىلداندى. زاڭنىڭ نەگىزگى جاڭاشىلدىعى: زياتكەرلىك مەنشىك نىساندارىن ءبىر ساتىلىق تىركەۋ جۇيەسىن قۇرۋ، تاۋار تاڭبالارىنا قۇقىقتار بۇزىلعان جاعدايدا زيان ءۇشىن وتەماقى تولەيتىن ينستيتۋت ەنگىزۋ، اۆتورلىق قۇقىقتى ەلەكتروندى تىركەۋ، تىركەۋ مەرزىمىن 20 جۇمىس كۇنىنەن 1 كۇنگە دەيىن قىسقارتۋ بولىپ وتىر»، - دەدى ادىلەت ءمينيسترى مارات بەكەتاەۆ ەلوردادا حالىقپەن ەسەپ بەرۋ كەزدەسۋىندە.

مارات بەكەتاەۆتىڭ ايتۋىنا قاراعاندا، اتالعان شارالار قولايلى ينۆەستيتسيالىق كليماتتى قالىپتاستىرىپ، ونەرتاپقىشتاردىڭ يننوۆاتسيالىق بەلسەندىلىگىن ارتتىرۋدا.

«وسىلايشا، ۇلتتىق زياتكەرلىك مەنشىك ينستيتۋتى ءوز قاراجاتى ەسەبىنەن ەكسپو اۋماعىنان جاڭا عيمارات الدى. استانا-حابتا فرونت-كەڭسە اشىلدى. امەريكا قۇراما شتاتتارىنىڭ تاجىريبەسى بويىنشا IPR Center قۇرۋ جوسپارلانۋدا. اقش-تىڭ ول بىرىڭعاي ۇيلەستىرۋ ورتالىعىنا 19 فەدەرالدى ۆەدومستۆو مەن 4 حالىقارالىق ۇيىم كىرەدى. بۇل جەدەل اقپارات الماسۋعا، قۇقىقبۇزۋشىلىققا ۋاقتىلى شەك قويۋعا، ۋاكىلەتتى ۆەدومستۆو قىزمەتكەرلەرىنىڭ بىلىكتىلىگىن ارتتىرۋعا ىقپال ەتەدى»، - دەدى مارات بەكەتاەۆ.

 

سوڭعى جاڭالىقتار