14 ماۋسىم 2019, 11:13 883 0 بىلگەنگە مارجان Túrkistan Gazeti

ءتورت قاقپالى تۇركىستان

ەجەلگى ياسى، بۇگىنگى تۇركىستان قازاق ۇلتىنىڭ عانا قالىپتاسۋىنا ۇيىتقى بولعان جوق. سونىمەن بىرگە كۇللى تۇركى دۇنيەسىنىڭ تاريحتاعى ورنىن ەنشىلەپ بەرگەن تاريحي قالا.

پاتشالىق رەسەي مەن كەشەگى كەڭەس ۇكىمەتى تۇركىستاننىڭ تاريحي ءرولىن قاساقانا كەمىتىپ، سىرت كوزدەن جاسىرىن ۇستاپ كەلگەنى ءمالىم.

ەلباسىمىز ن.ءا.نازارباەۆ ءوز جارلىعىمەن تۇركىستان قالاسىن وبلىس ورتالىعى ەتىپ جاريالاعاندا قۋانباعان حالىق كەم بولدى. تەك قازاق حالقى ەمەس، ءتۇبى ءبىر تۇركى جۇرتى جاقسىلىققا بالاعان تاريحي شەشىم جىل وتپەي جاتىپ جەمىسىن بەرە باستادى. تۇركىستاننىڭ كەلبەتى كۇن سايىن شىرايلانىپ، كونە شاھار جاڭارىپ، جاسارىپ كەلەدى.

بۇگىن وبلىستىق ءماسليحاتتىڭ سەسسياسىندا وبلىس اكىمى ءو.شوكەەۆ قر ۇكىمەتى ءبىر جىل مەرزىم ىشىندە تۇركىستان قالاسىن جەدەل دامىتۋ ماقساتىندا بەس بىردەي قاۋلى قابىلداعانىن اتاپ ءوتتى.

وسى جيىندا وبلىس ءماسليحاتىنىڭ دەپۋتاتى س.قۋاشباي تۋريزم سالاسىن دامىتۋدا اتقارىپ جاتقان وتىرار اۋدانى اكىمدىگىنىڭ جۇمىسىنا وڭ باعاسىن بەردى. وعان سەبەپ س.قۋاشباي باستاعان  وبلىستىق ءماسليحاتتىڭ الەۋمەتتىك- مادەني دامۋ جونىندەگى تۇراقتى كوميسسيانىڭ مۇشەلەرى ءبىر اي بۇرىن وتىرار اۋدانىندا ءتۋريزمدى دامىتۋ بارىسىمەن تەرەڭ تانىسقان بولاتىن.
تۇركىستانمەن بىرگە اۋدان، قالالاردا اۋقىمدى جۇمىستار جۇرگىزىلۋدە.

قازاقتىڭ تامىرى اۋىلدا دەسەك، اۋىلدى كوركەيتۋ پەرزەنتتەرىنىڭ باستى مىندەتى بولماق. وتىرار اۋدانىندا تۇرعىندارعا جايلى جاعداي جاسايتىن  «اۋىل – ەل بەسىگى» ارنايى جوباسى قولعا الىندى.  ماسەلەن، مادەنيەت سارايىنىڭ عيماراتىنا، ءشاۋىلدىر اۋىلىنداعى ۇزىندىعى 4 شاقىرىم بولاتىن 5 كوشەنى كۇردەلى جوندەۋدەن وتكىزۋ ءۇشىن 630 ملن. تەڭگە قارجى قارالعان.

وبلىس اكىمى ءو.شوكەەۆتىڭ باستاماسىمەن  وتىرار اۋدانىندا 3 جوبانى جۇزەگە  اسىرۋ جوسپارلانۋدا. اۋدان ورتالىعىنان باستالاتىن ارىستانباب كەسەنەسى مەن وتىرارتوبەگە اپاراتىن تۋريستىك جولدىڭ 3,6 شاقىرىمىن جارىقتاندىرۋ، اباتتاندىرۋ، اياقجول سالۋ ماقساتىندا  جالپى سمەتالىق قۇنى 789 ملن  تەڭگە قارجى قارالدى. قازىرگى تاڭدا مەملەكەتتىك ساتىپ الۋ راسىمدەرى جۇرگىزىلۋدە.

سونداي-اق، وبلىس اكىمدىگىنىڭ باستاماسىمەن  جانە قر مادەنيەت جانە سپورت مينيسترلىگىنىڭ قولداۋىمەن ارىستانباب كەسەنەسىنىڭ ىشكى اۋماعىن اباتتاندىرۋ جۇمىستارى دا جۇرگىزىلەتىن بولادى.

جىل وتكەن سايىن اۋدانىمىزعا الىس – جاقىن شەتەلدەردەن كەلەتىن تۋريستەر سانى ارتۋدا. جوعارىدا اتالعان قارجىلار يگەرىلىپ، نىسانداردا جوندەۋ جۇمىستارى ساپالى بىتكەن كەزدە تۋريستەرمەن قاتار وتىرارلىقتارعا دا قىزمەت ەتەتىن بولادى.

الماس اقىلبەك،
جۋرناليست

سوڭعى جاڭالىقتار