14 ماۋسىم 2019, 11:03 729 0 قوعام Túrkistan Gazeti

«ءTúrkىstan ءtórىnde» وتكەن سىرلاسۋ

13 ماۋسىمدا تۇركىستانداعى قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ مادەنيەت ورتالىعىندا «ءTúrkىstan ءtórىnde» سىرلاسۋ-سۇحبات كەشى ءوتتى. «رۋحاني جاڭعىرۋ» باعدارلاماسى اياسىندا قولعا الىنعان «تۇركىستان تورىندە» جوباسىنىڭ العاشقى كەزدەسۋىن تۇركىستان وبلىسىنىڭ اكىمى ومىرزاق شوكەەۆ اشىپ بەردى.

«بۇل يدەيانىڭ ماقساتى – تانىمال رۋحانيات مايتالماندارىمەن تۇركىستاننىڭ مادەنيەتى،  تاريحى، جالپى قالىڭ قازاقتىڭ، تۇركى الەمىنىڭ  بولاشاعى  جونىندە وي قوزعاۋ، اقىلداسۋ. وزدەرىڭىز بىلەتىندەي، مەملەكەت باسشىلىعى تاراپىنان تۇركىستان وبلىسىنا، تۇركىستان قالاسىنا ايرىقشا قولداۋ كورسەتىلىپ جاتىر. ءبىز قۇرىلىس نىساندارىن سالۋدى جانە وزگە دە جۇمىستاردى ۋاقىتىندا اتقارا الامىز. قالانى دا سالامىز. بىراق سونىمەن بىرگە مادەنيەتىمىز بەن رۋحانياتىمىزدى دا سوعان ساي ەتۋىمىز كەرەك. مادەنيەت دەگەن ۇعىم مەنىڭ تۇسىنىگىمدە مۋزىكامەن، كينومەن، ادەبيەتپەن عانا شەكتەلمەيدى.  مادەنيەت – ادامنىڭ بولمىسىنا سىڭەتىن تەرەڭ ۇعىم. ۇيدە دە، كوشەدە دە، وندىرىستە دە، جۇمىستا دا ەڭ الدىمەن مادەنيەت جوعارى بولۋى ءتيىس. ءبىز تۇركىستاندى تۇركى الەمىنىڭ مادەني-رۋحاني ورتالىعىنا اينالدىرۋدى كوزدەگەن بولساق، وسى يگى ىسكە قازاقستانداعى بار رەسۋرستارىمىزدى، ينتەللەكتۋالدى تۇلعالاردى جۇمىلدىرۋىمىز كەرەك. مىنە، «تۇركىستان تورىندە» جوباسىن قولعا الۋداعى ويىمىز دا – وسى» دەگەن ءوڭىر باسشىسى سۇحباتقا ارالاسىپ وتىردى. ءدال بۇگىن تۋعان كۇنىن اتاپ ءوتىپ وتىرعان تانىمال اقىن – نۇرلان ءورازاليندى قۇتتىقتاپ، قۇرمەت كورسەتتى.

«تۇركىستان تورىندە» جوباسىنىڭ العاشقى قوناقتارى – مەملەكەتتىك سىيلىقتىڭ لاۋرەاتتارى، كورنەكتى قالامگەرلەر – تولەن ابدىك جانە نۇرلان ورازالين، سونداي-اق تانىمال جازۋشى، كينودرامماتۋرگ سماعۇل ەلۋباي بولدى. جۇزدەسۋدى تانىمال جازۋشى «الاش» حالىقارالىق سىيلىعىنىڭ يەگەرى مارحابات بايعۇت جۇرگىزىپ وتىردى.

تولەن ابدىك الدىمەن جۇرتشىلىقتى تۇركىستان وبلىسىنىڭ قۇرىلعانىنا 1 جىل تولۋىمەن قۇتتىقتادى. تۇركىستاننىڭ جاڭا مارتەبە يە بولعانىنا ەرەكشە قۋانعانىن، ۇلتتىق سانانى جاڭعىرتۋدا بۇل قالانىڭ ورنى ەرەكشە ەكەنىن جەتكىزدى.

«ءبىز تاۋەلسىز ۇلت بولۋ پروتسەسىن باستان وتكەرۋدەمىز. بىراق بۇل ماسەلەدە ءالى جوعارى دەڭگەيگە جەتە العان جوقپىز. كەشەگى كەڭەستىك سانادان دا، رۋلىق سانادان دا تولىق ارىلدىق دەپ ايتا المايمىز. وسى ۇدەرىستەردەن ءوتىپ، ۇلكەن ۇلتقا ساي مىنەز كورسەتىپ، عىلىم مەن ءبىلىمدى دامىتۋىمىز كەرەك» دەدى جازۋشى.

ال اقىن، دراماتۋرگ نۇرلان ورازالين تۇركىستاننىڭ ادەبيەت پەن ونەردىڭ ورتالىعىنا اينالاتىنىنا سەنىم ءبىلدىرىپ، قاسيەتتى شاھاردى دامىتۋ، ەلدى بىرلىككە شاقىرۋ تۋرالى كەلەلى ويلار قوزعادى.

جازۋشى، كينودراماتۋرگ سماعۇل ەلۋباي قوعامدى العا جەتەلەۋ ءۇشىن ءار ادامنىڭ يمانىن كۇشەيتۋ، ءدىن مەن عىلىمدى قاتار دامىتۋ كەرەكتىگىن ايتتى.

اسەرلى جۇزدەسۋدە تۇركىستان وبلىسىنىڭ شىعارماشىلىققا قۇمار قاۋىمى ءۇش قالامگەرگە دە، ءوڭىر باسشىسىنا دا سۇراقتارىن قويىپ، پىكىر الماستى. ۇزدىك سۇراقتارىمەن كوزگە تۇسكەن وقىرماندارعا ءۇش قالامگەردىڭ كىتاپتارى سىيعا تارتىلدى.

كەزدەسۋ سوڭىندا وبلىس اكىمى ومىرزاق شوكەەۆ  ءۇش كلاسسيك قالامگەردىڭ يىعىنا شاپان جاۋىپ، قۇرمەت كورسەتتى.

الداعى ۋاقىتتا «تۇركىستان تورىندە»  جوباسى اي سايىن وتكىزىلىپ تۇرادى. وعان قازاقستاننىڭ جانە تۇركى الەمىنىڭ كورنەكتى اقىن-جازۋشىلارى مەن قوعام قايراتكەرلەرى، سپورت جانە ونەر جۇلدىزدارى، كاسىپكەرلەرى، ايتار ويى بار زيالى وكىلدەرى قاتىسىپ، جۇرتشىلىقپەن كەزدەسەدى.

تەلەارنادان تولىق كورسەتىلەتىن جوبا ارقىلى تۇركىستان ءوڭىرىنىڭ رۋحاني، مادەني، زياتكەرلىك دەڭگەيىن كوتەرىپ، بىرلىك پەن ىنتىماقتى، تۇراقتىلىقتى جان-جاقتى نىعايتۋعا ۇلەس قوسۋ كوزدەلگەن.

سوڭعى جاڭالىقتار