13 ماۋسىم, 15:08 385 0 ىشكى ساياسات "تۇركىستان" گازەتىنىڭ اۆتورلارى

توقاەۆ سايلاۋ الدىندا جاقسى باستامالار كوتەردى

باۋىرجان جاقىپ، اقىن، ف.ع.د، پروفەسسور:

كەزەكتەن تىس پرەزيدەنت سايلاۋى جوسپار بويىنشا، بەلگىلەنگەن كۇنى ءوتتى. وعان دەيىن ۇگىت-ناسيحات جۇرگىزىلگەنىنەن حاباردارمىز. بۇل سايلاۋ بۇرىنعى سايلاۋلاردان شىنىندا دا وزگەشە بولدى. ويتكەنى بۇكىل الەم دەموكراتيالىق ۇردىستەرگە بوي ۇرعاننان كەيىن، ءبىزدىڭ قازاقستان دا الەمدىك قاۋىمداستىق، وركەنيەت قالاي كوشەدى سوعان ىلەسۋى كەرەك. زاماننىڭ تالابى وسى. ءبىزدىڭ ەلىمىز دە دەموكراتيالىق ۇردىستەر باعىتىندا جونىمەن دامىپ كەلە جاتىر دەپ ويلايمىن. 7 بىردەي ۇمىتكەر بولدى. ارقايسىسى سايلاۋالدى باعدارلامالارىن حالىققا تانىستىردى. جالپى وسى سايلاۋدىڭ ماعان ۇناعان تۇسى – تەلەدەباتتىڭ ۇيىمداستىرىلۋى. بىرتە-بىرتە وسى دەموكراتيالىق ۇردىستەر جالعاسىن تابا بەرەدى دەپ ويلايمىن. دەموكراتيا دەگەننىڭ ءوزى – حالىقتىڭ بيلىگى. حالىق باسقاراتىن مەملەكەتكە كەلۋ. الەم وسىعان كوشىپ كەلە جاتىر. ءبىزدىڭ ەكىنشى ۇتقانىمىز حالىق ءوز داۋىسىنىڭ باعالى ەكەنىن ۇقتى. وپپوزيتسيا وكىلى ءƏمىرجان قوسانوۆ 16 پايىز داۋىس جينادى. مۇنىڭ ءوزى وتە جاقسى نəتيجە دەۋگە بولادى. 70 پايىز داۋىستى يەلەنگەن قاسىم-جومارت كەمەلۇلى توقاەۆ پرەزيدەنت لاۋازىمىنا سايلاندى. بۇل – حالىقتىڭ تاڭداۋى!

ال ەندى مەنىڭ ءوز ويىم ول كىسىنىڭ «ساباقتاستىق! Əدىلدىك! ورلەۋ!» دەپ ءۇش ۇراندى العا تارتۋى ەلدىڭ كوڭىلىنە جاعىمدى əسەر قالدىردى. ويتكەنى əدىلەت كەرەك، ەل دامۋى ءۇشىن قوعامعا ساباقتاستىق تا قاجەت. سونداي-اق، ىلگەرىلەۋ ياعني ورلەۋدە باستى قاجەتتىلىكتىڭ ءبىرى. وسى ۇشەۋى دە بولسا ەلىمىز بيىك بەلەستەردى باعىندىرادى دەپ ويلايمىن. وعان ەلىمىزدىڭ پوتەنتسيالى جەتەدى.

تاعى ءبىر ايتا كەتەرلىگى، قاسىم-جومارت توقاەۆ سايلاۋ الدىندا ەل اراسىندا جۇرگەن كەزدە جاقسى باستامالار كوتەردى. مəسەلەن ۇلى اباي بابامىزدىڭ 175 جىلدىعىن وتكىزۋ تۋرالى جارلىققا قول قويدى. بۇل رۋحانيات سالاسىنا بيلىكتىڭ بەي-جاي قارامايتىندىعىن اڭعارتادى. ەلدىڭ رۋحى كوتەرىلەتىن بولسا، اباي قۇنانبايۇلىنىڭ شىعارماشىلىعى əلەمگە تانىلا بەرەتىن بولسا، جالپى قالامگەرلەرگە سەرپىلىس، شابىتىنا شابىت قوسادى دەپ ويلايمىن.مەن ءوز داۋسىمدى 70 پايىز حالىق داۋسىن يەمدەنگەن قاسىم-جومارت كەمەلۇلىنا بەردىم. ويتكەنى ول كىسىنىڭ اكەسى قازاق ادەبيەتىندەگى دەتەكتيۆ جانرىنىڭ اتاسى. «كومەسكى ءىس»، «سارعاباندا بولعان وقيعا» سىندى ەڭبەكتەرىن بالا كەزدەن جاتا-جاستانا وقىپ وستىك. قالامگەردىڭ پەرزەنتى بولعاندىقتان – قالامگەرلەر قاۋىمىنا، رۋحانياتتا جۇرگەن ازاماتتاردىڭ كوڭىلى وڭ بولاتىنىنا سەنىمدىمىز.

جالپى، سايلاۋدىڭ اشىق قورىتىندىسى بىرقاتار رەسپۋبليكالىق باق بەتتەرىندە جاريالاندى. وسى سايلاۋ حالىقتىڭ دەموكراتيالىق تاڭداۋىنا جول اشاتىن ۇلكەن تاريحي وقيعا بولدى.

سوڭعى جاڭالىقتار