13 ماۋسىم 2019, 15:06 640 0 ىشكى ساياسات "تۇركىستان" گازەتىنىڭ اۆتورلارى

مەملەكەت باسىنا لايىقتى ازامات كەلدى

ەلىمىز ءۇشىن وسى جىلدىڭ ەڭ ايتۋلى ساياسي وقيعاسى – كەزەكتەن تىس پرەزيدەنت سايلاۋى بولعانى راس. تاۋەلسىزدىك العالى 30 جىلعا جۋىق ۋاقىت بولسا، سول جىلدار ىشىندە حالىق ءبىراۋىزدان ەلباسى نۇرسۇلتان ءابىشۇلى نازارباەۆتى قولدادى. سوندىقتان دا بولار ءار 5 جىل سايىنعى سايلاۋ قوعام اراسىندا ءدال وسى سايلاۋداي كەڭ تالقىعا تۇسكەن جوق. قر تۇڭعىش پرەزيدەنتى نۇرسۇلتان نازارباەۆ ۋاكىلەتتىگىن توقتاتۋعا شەشىم قابىلداعان كەزدە ەلدىڭ ءبىرازى ابدىراپ قالعانى بار. ءبىزدىڭ تاۋەلسىز قازاقستان وسى جايتقا تۇڭعىش كۋا بولدى. ءوز باسىم 7 ۇمىتكەردى دە سىيلايمىن، قۇرمەتتەيمىن. ولاردىڭ قاي-قايسىسى بولماسىن ەلىم، جۇرتىم دەگەن ازاماتتار. سايلاۋ الدى باعدارلامالارىنا كوز جۇگىرتكەندە ەل بولاشاعىنىڭ جارقىن بولاتىنىنا ءشۇبا كەلتىرمەي، شەكسىز قۋاندىم. وتكەن جەكسەنبى كۇنى تاريحي وقيعا بولدى.

كۇللى قازاقستاندىقتارمەن بىرگە مەن دە، وتباسىم دا سايلاۋ ۋچاسكەسىنە بارىپ داۋىس بەردىك. ءبىز وتباسىمىزبەن قاسىم-جومارت كەمەلۇلىن قولدادىق. جوعارىدا ايتقانىمداي بارلىق ۇمىتكەرلەردى قۇرمەتتەيمىن. بىراق، مەملەكەتتىڭ قالىپتاسۋىنا، دامۋىنا ۇلەس قوسقانىن ەسەپتەپ، ديپلوماتيالىق جۇمىستارىن نازارعا الىپ، سەنات توراعاسى بولعان كەزدەگى ەڭبەگىن باعالاپ قاسىم-جومارت توقاەۆقا داۋىس بەردىك. ول كىسىنىڭ سالماقتىلىعى مەن بايسالدىلىعى تاعى بار. مەملەكەتتىك ساياساتتان بولەك، پرەزيدەنتتىڭ حالىقارالىق ساياسي ارەنادا سالماعى بولۋ كەرەك. ال ق.توقاەۆ بىرنەشە ءتىلدى ەركىن مەڭگەرگەن. بۇل ارقىلى ىشكى-سىرتقى ساياساتتىڭ جۇگىن تەڭ ارقالايتىن تۇلعا رەتىندە توقاەۆتى تانيمىز. قاي تۇرعىدان الىپ قاراساق تا مەملەكەت باسىنا لايىقتى ازامات كەلدى. داۋىس بەرگەن حالىقتىڭ تەڭ جارتىسىنان كوبى قاسىم-جومارت كەمەلۇلىن تاڭداپتى. دەمەك حالىق ءۇمىت ارتىپ وتىر. ول كىسىنىڭ ءوزى دە نۇر-سۇلتاندا باق وكىلدەرىمەن بولعان ءباسپاسوز بريفينگىندە «حالىق ۇلكەن جاۋاپكەرشىلىك جۇكتەدى، ونى اقتاۋ مەنىڭ مىندەتىم» دەپ قاداپ ايتتى. قاسىم-جومارت توقاەۆ مەملەكەتىمىزدىڭ وركەندەۋى جولىندا ايانباي ەڭبەك ەتەتىنىنە سەنىمدىمىن.

سەرىك نەگيموۆ، ف.ع.د، پروفەسسور

سوڭعى جاڭالىقتار