13 ماۋسىم, 11:22 405 0 ىشكى ساياسات TURKYSTAN.KZ

نۇر-سۇلتان قالاسىنىڭ اكىمى اۋىستى

مەملەكەت باسشىسىنىڭ جارلىعىمەن التاي كولگىنوۆ نۇر-سۇلتان قالاسىنىڭ اكىمى قىزمەتىنە تاعايىندالدى.

التاي كولگىنوۆ 1978 جىلى دۇنيەگە كەلگەن. ول ياسساۋي اتىنداعى حالىقارالىق قازاق-تۇرىك ۋنيۆەرسيتەتىن، قر پرەزيدەنتى جانىنداعى مەملەكەتتىك باسقارۋ اكادەمياسىن، «بولاشاق» باعدارلاماسى بويىنشا ۇلىبريتانيانىڭ ابەردين ۋنيۆەرسيتەتىن بىتىرگەن، زاڭگەر، مەملەكەتتىك جانە جەرگىلىكتى باسقارۋ ماگيسترى، حالىقارالىق كوممەرتسيالىق قۇقىق ماگيسترى.

ەڭبەك جولىن 2001 جىلى باس پروكۋراتۋرا جانىنداعى قۇقىقتىق ستاتيستيكا جانە ارنايى ەسەپكە الۋ كوميتەتى كادرلارمەن جۇمىس ءبولىمىنىڭ باس مامانى، پروكۋرورى بولىپ باستادى.

2002-2003 جىلدارى - وسى كوميتەتتىڭ قۇقىقتىق ستاتيستيكانى قالىپتاستىرۋ باسقارماسىنىڭ پروكۋرورى.

2003-2007 جىلدارى قر مەملەكەتتىك قىزمەت ىستەرى اگەنتتىگى استانا قالاسى بويىنشا باسقارماسى باستىعىنىڭ ورىنباسارى قىزمەتىن اتقاردى.

2007-2008 جىلدارى - قر ادىلەت مينيسترلىگىنىڭ زاڭ اكتىلەرىن جاساقتاۋ جانە تالداۋ باسقارماسىنىڭ باستىعى.

2008-2010 جىلدارى - «الاشمەدياگرۋپپ» جشس باس ديرەكتورىنىڭ قۇقىقتىق ماسەلەلەر جونىندەگى ورىنباسارى.

2010-2012 جىلدارى قر پرەزيدەنتى اكىمشىلىگىنىڭ ايماقتىق-ۇيىمداستىرۋ جانە مەملەكەتتىك باقىلاۋ جۇمىستارى ءبولىمىنىڭ مەملەكەتتىك ينسپەكتورى، 2012 جىلدىڭ 8 اقپانىنان بەرى بقو اكىمىنىڭ ورىنباسارى بولدى.

2016-2019 جىلدارى باتىس قازاقستان وبلىسىنىڭ اكىمى بولدى.

سوڭعى جاڭالىقتار