11 ماۋسىم, 13:49 136 0 ىشكى ساياسات TURKYSTAN.KZ

قاسىم-جومارت كەمەلۇلى پرەزيدەنت بولىپ سايلاندى

كەشە نۇر-سۇلتان ۋاقىتىمەن ساعات 22.00-دە ورتالىق سايلاۋ كوميسسياسى 9 ماۋسىم كۇنى وتكەن قازاقستان پرەزيدەنتىنىڭ كەزەكتەن تىس سايلاۋىنىڭ قورىتىندىسىن جاريا ەتتى.

ەكى ايعا سوزىلعان سايلاۋ ناۋقانىنىڭ رەسمي قورىتىندىسىن ورتالىق سايلاۋ كوميسسياسىنىڭ مۇشەسى ءلاززات سۇلەيمەن حابارلادى.

ونىڭ بايانداۋىنشا، وبلىستىق، رەس­پۋبليكالىق ماڭىزى بار قالالاردىڭ جانە استانانىڭ سايلاۋ كوميسسيالارىنىڭ داۋىستاردى ساناۋ ناتيجەلەرى تۋرالى حاتتامالارى ورتالىق سايلاۋ كوميسسيا­سىنا تولىعىمەن كەلىپ تۇسكەن. ونىڭ قورىتىندىسى بويىنشا داۋىس بەرۋگە قاتىسقان سايلاۋشىلاردىڭ سانى 9 ملن 274 مىڭ 034 ادامدى قۇراعان. ونىڭ ىشىندە داۋىس بەرۋ قۇقىعىن بەرەتىن ەسەپتەن شىعارۋ كۋالىكتەرى بويىنشا داۋىس بەرۋگە قاتىسقان سايلاۋشىلاردىڭ سانى 22 427 نەمەسە بارلىق سايلاۋشىلاردىڭ 0,19 پايىزى بولعان.

سونداي-اق داۋىس بەرۋگە ارنالعان ءۇي-جايدان تىس داۋىس بەرۋگە قاتىسقان سايلاۋشىلاردىڭ سانى 105612 نەمەسە سايلاۋشىلاردىڭ 0,88 پايىزى بولعان. ال جارامسىز دەپ تانىلعان سايلاۋ بيۋللەتەندەرىنىڭ سانى 71 624 نەمەسە بارلىق بيۋللەتەندەردىڭ 0,59 پايىزىن قۇراعان. سونىمەن قاتار جويىلعان بيۋل­لەتەندەردىڭ سانى – 793 010.

– «سايلاۋ تۋرالى» كونستيتۋتسيالىق زاڭنىڭ 66-بابى 2-تارماعى 1-تارماق­شاسىنا سايكەس سايلانعان رەسپۋبليكا پرەزيدەنتى بولىپ داۋىس بەرۋگە قاتىسقان سايلاۋشىلاردىڭ 50 پايىزىنان ارتىق داۋىس العان كانديدات تانىلادى. وسى نورماعا سايكەس 2019 جىلعى 9 ماۋسىمدا بولعان قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىنىڭ قورىتىندىلارىن انىقتاۋ تۋرالى قاۋ­لى جوباسى دايىندالدى. وعان سايكەس «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 9-بابىنىڭ 1-تارماعىنا، 12-بابىنىڭ 10-تارماقشاسىنا، 44-بابىنىڭ 1-ءشى جانە 5-تارماقتارىنا، 65-بابىنا، سونىمەن قاتار 9 ماۋسىم كۇنى وتكەن داۋىس بەرۋدە اۋماقتىق سايلاۋ كوميسسيالارىنىڭ داۋىستاردى ساناۋدىڭ ناتيجەلەرى تۋرالى حاتتامالارىنىڭ نەگىزىندە قاسىم-جومارت توقاەۆ قازاقستاننىڭ سايلانعان پرەزيدەنتى بولىپ تانىلدى. ق.توقاەۆتىڭ كانديداتۋراسى ءۇشىن ساي­لاۋ­شىلاردىڭ 6 ملن 539 مىڭ 715 داۋىسى بەرىلدى نەمەسە داۋىس بەرگەن ساي­لاۋ­شىلاردىڭ 70,96 پايىزى جاقتادى، – دەدى ل.سۇلەيمەن.

ەندى ەلىمىزدىڭ زاڭناماسىنا سايكەس وسك توراعاسى سايلانعان پرەزيدەنتكە قازاقستان پرەزيدەنتىنىڭ كۋالىگىن تاپسىرادى.

سونىمەن قاتار ورتالىق سايلاۋ كوميسسياسى سايلانعان پرەزيدەنتتىڭ انت بەرۋ كۇنىن 2019 جىلدىڭ 12 ماۋسىمىنا بەلگىلەدى.

 

سوڭعى جاڭالىقتار