11 ماۋسىم, 13:32 665 0 ادەبيەت Túrkistan Gazeti

ء"جۇز جىلدىق جىلناما" وقىرمانعا جول تارتتى

نۇر-سۇلتان قالاسىنداعى ۇلتتىق اكادەميالىق كىتاپحانادا «Egemen Qazaqstan» گازەتىنىڭ 100 جىلدىق مەرەيتويىنا ارنالعان ء"جۇز جىلدىق جىلناما" اتتى 5 تومدى جيناقتىڭ تۇساۋى كەسىلدى.  

تۇساۋكەسەر ءراسىمىنىڭ الدىندا باسىلىم تاريحى باياندالاتىن دەرەكتى فيلم كورسەتىلدى.

1919-1976 جىلدار ارالىعىن قامتيتىن 5 تومدىق جيناق ازىرگە 2000 دانامەن باسپادان شىقتى.

"1919 جىلى "ۇشقىن" دەگەن اتپەن شىعا باستاعان باسىلىم ءار جىلدارى  ءتۇرلى اتپەن شىقسا دا،  ءتىلدىڭ، ءدىننىڭ، جەردىڭ، ەملەنىڭ ماسەلەسىن، ۇلت مۇددەسىن كوتەردى. سول تۇستاعى زيالىلاردىڭ اراسىنداعى ايتىس- تارتىس، اشارشىلىق، رەپرەسسيا، سوعىس پەن تىڭ يگەرۋ سياقتى تاريحي وقيعالاردىڭ ءبارى وسى جيناقتا قامتىلدى. قازاق تاريحىنىڭ شەجىرەشىسىنە اينالعان گازەتتىڭ بەتىندە سماعۇل سادۋاقاسوۆ، جۇسىپبەك ايماۋىتوۆ، مۇحتار اۋەزوۆ، بەيىمبەت مايلين، ساكەن سەيفۋللين، تۇرار رىسقۇلوۆ، وراز جاندوسوۆ، عابباس توعجانوۆ، عابيت مۇسىرەپوۆ سياقتى ارىستاردىڭ ءىزى قالدى. كوپ ادام ول تۇستا گازەتتى ورتالىق كوميتەتتىڭ ورگانى بولعان دەپ ويلايدى. ولاي بولماعانىنا وسى بەس تومدىقتى وقىپ كوز جەتكىزۋگە بولادى. بۇل جيناق گازەت وقىرماندارىنا عانا ەمەس، جۋرناليستيكا تاريحى مەن ادەبيەتتىڭ وتكەنىن زەرتتەپ جۇرگەن عالىمدارعا، كاسىبي تاريحشىلارعا دا تاپتىرماس قۇرال بولادى دەپ ويلايمىن", - دەيدى "Egemen Qazaqstan" رەسپۋبليكالىق گازەتى" اق-نىڭ باسقارما توراعاسى دارحان قىدىرالى.

جيىندا ءسوز العان فيلولوگيا عىلىمدارىنىڭ دوكتوى، پروفەسسور نامازالى وماشەۆ: "ساكەن سەيفۋليننىڭ كەزىندەگى مەملەكەتتىك ءتىل ءۇشىن ءباسپاسوز بەتىندە قالاي كۇرەس جۇرگەنىن، 1923 جىلى ۇلتقا قازاق اتاۋىن قايتارۋ ءۇشىن كىمدەردىڭ باسىن بايگەگە تىككەنىن كورۋگە بولادى", - دەدى.

شاراعا شاقىرىلعان وزگە دە مارتەبەلى مەيماندار باسىلىم ۇجىمىنا اقجارما تىلەكتەرىن ارنادى.

 

 

سوڭعى جاڭالىقتار