11 ماۋسىم, 11:01 317 0 ونەر TURKYSTAN.KZ

جۋرناليستەر ۇستەل تەننيسىنەن باق سىنايدى

«TÚRKISTAN» حالىقارالىق قوعامدىق-ساياسي گازەتىنىڭ 25 جىلدىعىنا وراي باق قىزمەتكەرلەرىنىڭ كاسىبي مەرەكەسى قارساڭىندا ۇستەل تەننيسىنەن رەسپۋبليكالىق تۋرنير وتەدى. قر مادەنيەت جانە سپورت مينيسترلىگى مەن قر ۇستەل تەننيسى فەدەراتسياسى قولداۋ ءبىلدىرىپ وتىرعان شاراعا رەسپۋبليكا اۋماعىنداعى كەز كەلگەن جۋرناليست قاتىسا الادى.

«TÚRKISTAN» اپتالىعى وسىعان دەيىن جۋرناليستەر مەن ءباسپاسوز حاتشىلار اراسىندا بوۋلينگتەن تۋرنير وتكىزگەن-ءدى. اتالعان شارا تارتىستى ءوتىپ، تىلشىلەر قاۋىمى جاقسى اسەرمەن تارقاسقان.

ىرگەتاسىن قازاقتىڭ قالتايى اتانعان قالتاي مۇحامەدجانوۆ قالاعان «TÚRKISTAN» گازەتى شيرەك عاسىردان بەرى حالىق رۋحانياتى ءۇشىن قىزمەت ەتىپ كەلەدى. باسىلىم ۇيىمداستىرىپ وتىرعان كەزەكتى تۋرنير 15 ماۋسىمعا جوسپارلانعان. تۋرنيرگە قوناق رەتىندە بەلگىلى سپورت مايتالماندارى دا قاتىسپاق. تولىق اقپاراتتى رەداكتسياعا حابارلاسىپ بىلە الاسىز.

 

 

سوڭعى جاڭالىقتار