11 ماۋسىم, 10:39 288 0 ايماق TURKYSTAN.KZ

سولتۇستىك قازاقستانعا امەريكالىقتار كوشىپ كەلۋدە

سولتۇستىك قازاقستان وبلىسىندا جىل باسىنان 151 ادام تۇراقتى تۇرۋعا ءوتىنىش جازسا، ونىڭ 8-ءى الىس شەت ەلدەردەن قونىس اۋدارۋشىلار.

سقو پوليتسيا دەپارتامەنتى ءباسپاسوز قىزمەتىنىڭ حابارلاۋىنشا، وڭىرگە كوشىپ كەلۋگە نيەت ەتكەندەردىڭ ءبىرى - 89 جاستاعى ۆەرا بۋرلاكوۆا. سولتۇستىك قازاقستان ونىڭ تۋعان جەرى. 2004 جىلى اقش-قا قىزىنىڭ قولىنا كوشىپ كەتكەن ول ەندى 15 جىلدان كەيىن تۋعان ەلگە ساعىنىشپەن ورالۋدا.

«مەن وسى جەردە تۋىپ، ءوستىم. فابريكادا، اۆتوبۋس پاركىندە جۇمىس ىستەدىم. كۇيەۋىمىز ەكەۋىمىز التى بالانى ومىرگە اكەلدىك. شەتەلگە 75 جاسىمدا قونىس اۋداردىم. بىراق، كوشكەننەن ەلدى ساعىنۋمەن بولدىم. قايتىپ كەلگەنىمە قۋانىشتىمىن. بۇل جەردە مەنىڭ تۋىستارىم، نەمەرەلەرىم مەن جيەندەرىم تۇرادى»، - دەيدى ۆەرا يۆانوۆنا بۋرلاكوۆا.

اقش-تىڭ تاعى ءبىر تۇرعىنى كريستەن دەنيەلسون قازاقستانعا كوشىپ كەلۋدى جوسپارلاعان. وبلىستىق كوشى-قون قىزمەتى باسقارماسىنا ول قۇجاتتارىن ماۋسىمنىڭ 7-ءسى تاپسىردى. ازىرشە تەك ءبىر ايعا عانا تىركەلدى. ايتۋىنشا، شەتەلدىك 2016 جىلى سولتۇستىكقازاقستاندىقپەن تانىسىپ، ەندى قالعان ءومىرىن سونىڭ وتانىمەن بايلانىستىرماقشى.

سقو پد كوشى-قون قىزمەتى باسقارماسىنىڭ باستىعى تالعات ابىلەۆتىڭ ايتۋىنشا، تۇراقتى مەكەنجايعا تىركەلۋ ءۇشىن ەكى ايعا جۋىق ۋاقىت كەتەدى. ءوتىنىش بەرمەس بۇرىن بىرقاتار قۇجاتتاردى ازىرلەۋ كەرەك. ەڭ الدىمەن كوشەتىن ەلدەن كەتۋ پاراقشاسىن جانە سوتتىلىق جونىندە انىقتاما الۋ قاجەت. جالپى كەرەك قۇجاتتاردىڭ سانى شامامەن ونعا جەتەدى.

سوڭعى جاڭالىقتار