11 ماۋسىم, 10:28 531 0 قاۋىپسىزدىك Túrkistan Gazeti

قوردايلىق ازاماتتىڭ ۇيىنەن 2 كەلى ەسىرتكى تابىلدى

جامبىل وبلىسىندا «كوكنار-2019» جەدەل-الدىن الۋ ءىس-شاراسى بارىسىندا قورداي اۋدانىنىڭ تۇرعىنىنان ەكى كەلىدەن استام گەروين تابىلدى.

ءىس-شارا كەزىندە وبلىستىق پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى قورداي اۋىلىندا تۇراتىن 45 جاستاعى ەر ادامنىڭ ۇيىنە سانكتسيالانعان ءتىنتۋ جۇمىستارىن  جۇرگىزدى.

«تەكسەرۋ بارىسىندا ونىڭ سارايىنان شۇبەرەككە ورالعان ەكى بريكەت تابىلدى. ولاردىڭ ىشىندە قۇرامىندا ۇنتاق ءتارىزدى زاتى بار ەكى پوليەتيلەن وراماسى بولعان. سوت-حيميالىق ساراپتاما اكتىسىنە سايكەس، الىنعان زاتتار جالپى سالماعى 2 كەلى 51 گرامم «گەروين» ەسىرتكى قۇرالى ەكەندىگى انىقتالعان»،- دەيدى پوليتسيا دەپارتامەنتتىڭ ءباسپاسوز قىزمەتىنىڭ جەتەكشىسى گۇلسارا مۇحتارقۇلوۆا.

كۇدىكتى كىناسىن مويىنداپ، اتالمىش اۋداندىق پوليتسيا ءبولىمىنىڭ ۋاقىتشا ۇستاۋ يزولياتورىنا قاماۋعا الىندى. قازىرگى ۋاقىتتا قىلمىستىق كودەكستىڭ 297-بابىنىڭ 3-بولىگى بويىنشا سوتقا دەيىنگى تەرگەۋ امالدارى  جۇرگىزىلۋدە.

سوڭعى جاڭالىقتار