11 ماۋسىم, 10:09 521 0 ونەر Túrkistan Gazeti

«قازاقفيلم» امەريكالىقتارمەن بىرلەسىپ سەريال تۇسىرەدى

«قازاقفيلم» كينوستۋدياسى «جول جوق» /«No Exit»  جوباسى شەڭبەرىندە اقش-تىڭ بەلدى كينوكومپانياسىمەن بىرلەسىپ كوپرودۋكتسيا نەگىزىندە تەلەۆيزيالىق سەريالدى ءتۇسىرۋدى جوسپارلاپ وتىر.

«جول جوق» كوركەم ءفيلمى قازاقستاندا فەنتەزي/حوررور جانرىندا تۇسىرىلگەن. بۇل كارتينانى شىعارۋدا ءتۇرلى ۇلت وكىلدەرىنەن قۇرالعان پروديۋسەرلەر، اتاپ ايتساق، امەريكالىق سارا لۋيز ۋيلسون، حالىقارالىق كاسىپقوي مامان داريو كيرولا، سونداي-اق وتاندىق ايگۇل سىدىقوۆا جۇمىس ىستەدى.

سونداي-اق سارا ۋيلسون بۇل جوبادا رەجيسسەر ءارى ستسەناري اۆتورى بولدى، ال وتانداسىمىز سىدىقوۆا بولسا فيلمدە باستى كەيىپكەردىڭ ءرولىن سومدادى. ءفيلمدى قازاقستاندىق ActionLab اتتى ءتاۋىلسىز ارت-ستۋدياسى جانە ليۆاندىق Littletree Films اتتى تاۋەلسىز كومپانيالارى بىرلەسىپ تۇسىرگەن.

بۇل فيلم جاقىندا عانا كاليفورنيادادا وتكەن Mammoth Lakes Film  Festival  فەستيۆالىندە ءۇش بىردەي جۇلدەگە يە بولدى. كورەرمەندەر كوزايىمى جۇلدەسى، ۇزدىك شەتەلدىك  باياندايتىن فيلم ءۇشىن قۇرمەتتى سىيلىعى جانە Panavision Award جۇلدەسى.

كينوتۋىندى دانيار ەسىمدى جاس جىگىتتىڭ ءومىرى تۋرالى باياندايدى. سارا لۋيز ۋيلسون امەريكاندىق ستسەناري جازۋشى، رەجيسسەر ءارى پروديۋسەر. سونداي-اق ول بىرنەشە فيلمگە تۇسكەن.

مىسالى، «دجەللي» اتتى رومانتيكالىق كومەديادا ول باستى ءرولدى سومداعان (ناتاشا ليونن جانە ەد ماكماحونمەن بىرگە). ۋيلسون بۇل ءفيلمنىڭ ستسەناريىن دە جازعان. ودان بولەك ول ول ءبىراز ۋاقىت قازاقستاندا تۇرىپ، ActionLab ارت-ستۋدياسىندا رەجيسسەرلىك شەبەرلىكتەن ءدارىس بەرگەن.

«جول جوق» فيلمىندە مەن قادامدارىن ەندى باسقان جاس قازاقستاندىق اكتەلەرمەن جۇمىس ىستەدىم، ولار مەنىڭ ستۋدەنتتەرىم بولعان، – دەدى ۋيلسون.

«قازاقفيلم» كينوستۋدياسى «جول جوق» ءفيلمىنىڭ باستى تاقىرىبىن دامىتىپ، حالىقارالىق تابىستى جوبا ەتىپ،  تەلەۆيزيالىق سەريال ءتۇسىرۋدى كوزدەپ وتىر.

سوڭعى جاڭالىقتار