10 ماۋسىم 2019, 18:36 690 0 قاۋىپسىزدىك دينارا مىڭجاسارقىزى

جاڭا زاڭ، جاڭا باعىت

 ۇلتتىق جوسپاردىڭ 33-قادامىندا «باس بوستاندىعىنان ايىرۋ ورىندارىنان بوساتىلعان جانە پروباتسيا قىزمەتىنىڭ ەسەبىندە تۇرعان ازاماتتاردى الەۋمەتتىك وڭالتۋ جۇيەسىن ءتيىمدى ۇيىمداستىرۋ، سونداي-اق وسى ازاماتتار ءۇشىن الەۋمەتتىك وڭالتۋدىڭ كەشەندىستراتيگياسىن ازىرلەۋ» كوزدەلگەن.

وسى ۇلتتىق جوسپاردىڭ 33-قادامىن ىسكە اسىرۋ ماقساتىندا 30.12.2016 جىلى №38-VI قازاقستان رەسپۋبليكاسىنىڭ «پروباتسيا تۋرالى» زاڭى جانە سوعان قاتىستى 30.12.2016 جىلعى №39-VIقازاقستان رەسپۋبليكاسىنىڭ «قازاقستان رەسپۋبليكاسىنىڭ پروباتسيا سۇراقتارىنا قاتىستى كەيبىر زاڭنامالىق اكتىلەرىنە وزگەرتۋلەر مەن تولىقتىرۋلار ەنگىزۋ تۋرالى» زاڭدار قابىلداندى.

پروباتسيانىڭ ماقساتى قوعامدىق قاۋىپسىزدىكتى قامتاماسىز ەتە وتىرىپ، كۇدىكتىنىڭ، ايىپتالۋشىنىڭ مىنەز-قۇلقىن تۇزەتۋ، سوتتالعانىڭ الەۋمەتتىك جاعدايىن وڭالتۋ، قىلمىستىق-اتقارۋ جۇيەسىنەن بوساپ شىققان تۇلعالاردى قوعامعا بەيىمدەۋ بولىپ تابىلادى.

پروباتسيانىڭ تۇرلەرى:

سوتقا دەيىنگى پروباتسيا –كۇدىكتىنىڭ، ايىپتالۋشىنىڭ مىنەز-قۇلقىن تۇزەتۋگە باعىتتالعان الەۋمەتتىك-قۇقىقتىق كومەك كورسەتۋدەگى قىزمەت جانە ءىس-شارالار جيىنتىعى.

سوتقا دەيىنگى پروباتسيا ءۇي قاماق جانە قاماۋدا ۇستاۋ شاراسى تاعايىندالعان تۇلعالارعا قولدانىلمايدى;

پەنيتەنتسيارلىق پروباتسيا – قىلمىستىق-اتقارۋ جۇيەسى مەكەمەلەرىندە باس بوستاندىعىنان ايىرۋ جازاسىن وتەپ جاتقان تۇلعالاردى وڭالتۋعا قاتىستى قىزمەت جانە ءىس-شارالار جيىنتىعى;

پوستپەنيتەنتسيارلىق پروباتسيا – قىلمىستىق-اتقارۋ جۇيەسى مەكەمەلەرىنەن بوساپ شىققان تۇلعالاردىڭ مىنەز-قۇلقىن باقىلاۋدى جۇزەگە اسىرۋ جانە ولارعا الەۋمەتتىك-قۇقىقتىق كومەك كورسەتە وتىرىپ، قوعامعا قايتا بەيىمدەۋگە قاتىستى قىزمەت جانە ءىس-شارالار جيىنتىعى.

ۇكىمدىك پروباتسيا – باس بوستاندىعىن شەكتەۋگە جانە شارتتى تۇردە سوتتالعان تۇلعالارعا پروباتسيالىق باقىلاۋ بەكىتىپ، ەگەر سوتپەن جانە قازاقستان رەسپۋبليكاسىنىڭ زاڭدارىمەن جۇكتەلگەن مىندەتتەردى ورىنداماعان جاعدايدا، قىلمىستىق-اتقارۋ جۇيەسى مەكەمەلەرىنە باس بوستاندىعىنان ايىرۋ جازاسىنا اۋىستىرىپ، جازاسىن وتەۋگە جولداۋ مۇمكىندىگىن ساقتاي وتىرىپ، اتقارىلاتىن ءىس-شارالار جيىنتىعى.

قازىرگى ۋاقىتتا الماتى قالاسى ناۋرىزباي اۋداندىق پروباتسيا قىزمەتى بولىمىمەن شارتتى سوتتالعاندار، باس بوستاندىعىن شەكتەۋ، سونداي-اق، مەرزىمىنەن بۇرىن شارتتى تۇردە بوساتىلعاندارعا الەۋمەتتىك-قۇقىقتىق كومەك كورسەتىلۋدە. ۇستىمىزدەگى جىلدىڭ 5 ايىنىڭ قورىتىندىسى بويىنشا الەۋمەتتىك-قۇقىقتىق كومەك كورسەتۋ ءۇشىن جۇمىسپەن قامتۋ جانە دەنساۋلىق ساقتاۋ ورگاندارىنا 189 سوتتالعاننىڭ جەكە باعدارلامالارى جولداندى. ونىڭ 121 ادامىنا تەگىن مەديتسينالىق كومەك كورسەتىلدى.

 ا. ناكىپبەكوۆ، الماتى قالاسى ناۋرىزباي اۋدانى

پروباتسيا قىزمەتى ءبولىمىنىڭ باستىعى

ادىلەت مايورى                                             

سوڭعى جاڭالىقتار