10 ماۋسىم, 15:23 424 0 قوعام دينارا مىڭجاسارقىزى

"قازاقفيلم" امەريكالىق كومپانيامەن بىرلەسىپ سەريال تۇسىرمەك

"قازاقفيلم" كينوستۋدياسى "جول جوق"/No Exit  جوباسى شەڭبەرىندە اقش-تىڭ بەلدى كينوكومپانياسىمەن بىرلەسىپ كوپرودۋكتسيا نەگىزىندە تەلەۆيزيالىق سەريالدى ءتۇسىرۋدى جوسپارلاپ وتىر، - دەپ حابارلايدى ءباسپاسوز قىزمەتى. 

"جول جوق" كوركەم ءفيلمى قازاقستاندا فەنتەزي/حوررور جانرىندا تۇسىرىلگەن. بۇل كارتينانى شىعارۋدا ءتۇرلى ۇلت وكىلدەرىنەن قۇرالعان پروديۋسەرلەر، اتاپ ايتساق، امەريكالىىق سارا لۋيز ۋيلسون، حالىقارالىق كاسىپقوي مامان داريو كيرولا، سونداي-اق وتاندىق ايگۇل سىدىقوۆا جۇمىس ىستەدى. سونداي-اق سارا ۋيلسون بۇل جوبادا رەجيسسەر ءارى ستسەناري اۆتورى بولدى، ال وتانداسىمىز سىدىقوۆا بولسا فيلمدە باستى كەيىپكەردىڭ ءرولىن سومدادى. ءفيلمدى قازاقستاندىق ActionLab اتتى ءتاۋىلسىز ارت-ستۋدياسى جانە ليۆاندىق Littletree Films اتتى تاۋەلسىز كومپانيالارى بىرلەسىپ تۇسىرگەن.  بۇل فيلم جاقىندا عانا كاليفورنيادادا وتكەن Mammoth Lakes Film Festival  فەستيۆالىندە ءۇش بىردەي جۇلدەگە يە بولدى: كورەرمەندەر كوزايىمى جۇلدەسى، ۇزدىك شەتەلدىك  باياندايتىن فيلم ءۇشىن قۇرمەتتى سىيلىعى جانە Panavision Award جۇلدەسى. كينوتۋىندى دانيار ەسىمدى جاس جىگىتتىڭ ءومىرى تۋرالى باياندايدى.

ءبىراز ۋاقىت وتكەن سوڭ تۋعان قالاسىنا ورالعان جىگىت بارلىق جەرگىلىكتى تۇرعىنداردىڭ وزگەرگەنىن بايقايدى. ءتىپتى ءوزىنىڭ اناسى ونى كۇندە ءسۇت ىشۋگە ماجبۇرلەيدى، ال ءىنىسى بولسا ءولىم اۋزىندا جاتىر ەكەن. سارا لۋيز ۋيلسون امەريكاندىق ستسەناريست، رەجيسسەر ءارى پروديۋسەر. سونداي-اق ول بىرنەشە فيلمدەرگە تۇسكەن. مىسالى، "دجەللي" اتتى رومانتيكالىق كومەديادا ول باستى ءرولدى سومداعان (ناتاشا ليونن جانە ەد  ماكماحونمەن بىرگە). ۋيلسون بۇل ءفيلمنىڭ ستسەناريىن دە جازعان. ودان بولەك ول ءبىراز ۋاقىت قازاقستاندا تۇرىپ، ActionLab ارت-ستۋدياسىندا رەجيسسەرلىك شەبەرلىكتەن ءدارىس بەرگەن. "جول جوق" فيلمىندە مەن قادامدارىن ەندى باسقان جاس قازاقستاندىق اكتەلەرمەن جۇمىس ىستەدىم، ولار مەنىڭ ستۋدەنتتەرىم بولعان", - دەدى ۋيلسون. "قازاقفيلم" كينوستۋدياسى "جول جوق" ءفيلمىنىڭ باستى تاقىرىبىن دامىتىپ، حالىقارالىق تابىستى جوبا ەتىپ، تەلەۆيزيالىق سەريال ءتۇسىرۋدى كوزدەپ وتىر.

سوڭعى جاڭالىقتار