10 ماۋسىم 2019, 15:20 709 0 قوعام دينارا مىڭجاسارقىزى

قازاقستاندىقتار شىلدەدە قانشا كۇن دەمالادى؟

قازاقستاندىقتار شىلدەدە قانشا كۇن دەمالادى؟ شىلدەدە قازاقستاندىقتاردى 22 جۇمىس جانە 9 دەمالىس كۇنى كۇتىپ تۇر، - دەپ حابارلايدى Tengrinews.kz.

"قازاقستان رەسپۋبليكاسىنداعى مەرەكە كۇندەرى تۋرالى" زاڭىنا سايكەس 6 شىلدە ەلوردانىڭ مەرەكەسى بولعاندىقتان، ول كۇن دەمالىس بولىپ سانالادى. 2019 جىلى 6 شىلدە سەنبى كۇنىنە تۇسكەندىكتەن، دەمالىس كۇنى 8 شىلدەگە اۋىسادى. ياعني دۇيسەنبى كۇنىنە. سوندىقتان بەس كۇندىك جۇمىستاعى قازاقستاندىقتار ءۇش كۇن دەمالادى.

ياعني 6-8 شىلدە ارالىعى.  ايتا كەتەيىك، استانا كۇنى - قازاقستاننىڭ مەملەكەتتىك مەرەكەسى. 1994 جىلى 6 شىلدەدە قازاقستاننىڭ جوعارعى كەڭەسى ەلوردانى الماتىدان اقمولاعا كوشىرۋ تۋرالى قاۋلى شىعارعان. 1998 جىلى 6 مامىردا پرەزيدەنت نۇرسۇلتان نازارباەۆتىڭ قاۋلىسىمەن اقمولا استانا بولىپ وزگەردى. ال 2019 جىلدىڭ 20 ناۋرىزىندا پرەزيدەنت قاسىم-جومارت توقاەۆتىڭ ۇلىقتاۋ راسىمىندە انت قابىلداعاننان كەيىن استانانى نۇر-سۇلتانعا اۋىستىرۋدى ۇسىندى.

 

 

سوڭعى جاڭالىقتار