10 ماۋسىم 2019, 15:28 646 0 كولىك Túrkistan Gazeti

وتاندىق كولىك ساتىپ الۋشىلارعا ءتيىمدى نەسيە بەرىلەدى

قر ۇلتتىق بانكىنىڭ سايتىندا وتاندىق جەڭىل اۆتوكولىك ءوندىرىسىنىڭ ءونىمىن ساتىپ الۋشىلاردى نەسيەلەۋ باعدارلاماسىن جاريالادى.

قۇجاتتا كورسەتىلگەندەي، ەلىمىزدە 3,8 ملن كولىك بار. سوڭعى 10 جىلدا جەڭىل اۆتوكولىكتەر پاركى 49%-عا ارتقان. 1 مىڭ ادامعا 211 اۆتوكولىكتەن كەلەدى.

الايدا، اۆتوكولىكتەر قاتارى ەسكىرىپ بارادى. ەكىنشى دەڭگەيلى بانكتەردىڭ جەكە تۇلعالارعا اۆتونەسيە بەرۋ پورتفەلى 20,3 پايىز بولدى. 356 ملرد تەڭگە نەسيە بەرىلدى.

اۆتوكرەديتتەردىڭ جالپى ۇلەسى 10,7%-عا ارتتى. 2018 جىلى ەكىنشى دەڭگەيلى بانكتەر 222,1 ملرد تەڭگەنىڭ 92,5 مىڭ اۆتونەسيەسىن بەرگەن.

«قازاقستاننىڭ اۆتوموبيل ءوندىرىسى كەشەنى 2015-2016 جىلدارداعى ءوندىرىستىڭ ازايۋىنان ەندى قالپىنا كەلىپ جاتىر. نارىق ءالى تولىق قامتىلماعان. وتاندىق ءوندىرىستىڭ دامۋىنا كوپ مۇمكىندىك بار»، – دەلىنگەن قۇجاتتا.

ەندى بولاشاقتا وتاندىق كولىك الامىن دەگەندەرگە ۇلتتىق بانك مىناداي جەڭىلدىك بەرەدى. بەرىلەتىن ەڭ جوعارى نەسيە كولەمى 15 ملن تەڭگەدەن اسپاۋى كەرەك. نەسيە جىلدىق پايىزدىق مولشەرلەمەسى 4 پايىزبەن 7 جىلعا دەيىن بەرىلەدى.

«بۇل باعدارلامانىڭ جۇزەگە اسۋى اگرووندىرىس كەشەنىمەن بايلانىستى باسقا دا سالالاردىڭ دامۋىنا سەبەپشى بولارى انىق. جاڭا جۇمىس ورىندارىنىڭ اشىلۋىنا، ينۆەستيتسيالىق كليماتتى جاقسارتۋعا سەپتىگىن تيگىزەدى»، - دەيدى ماماندار.

سوڭعى جاڭالىقتار