7 ماۋسىم, 15:46 532 0 تەحنولوگيالار دينارا مىڭجاسارقىزى

Beeline 5G سىناق ايماعىن اشۋعا كىرىسپەك

  قازاقستاندا ابونەنتتەر سانى بويىنشا كوش باسىنداعى Beeline كومپانياسى جەلىنى جاپپاي جاڭعىرتۋدى باستاعانىن جانە 5G سىناق ايماعىن اشۋعا دايىندالىپ جاتقانىن جاريالادى. ەلىمىزدە 20 جىل قىزمەت كورسەتىپ كەلە جاتقان كومپانيا جاڭا جەتىستىكتەرىمەن تانىستىردى.

جىل سوڭىنا دەيىن جەلىنىڭ سىيىمدىلىعى الماتى مەن شىمكەنتتە سايكەسىنشە 3 جانە 4 ەسە ارتادى. ودان بولەك، حالقىنىڭ جالپى سانى ءبىر ميلليوندى قۇرايتىن 107 ەلدى مەكەن 4G جەلىسىنە قوسىلادى.

Beeline كسەللمەن اراداعى جەلىنى بىرگە پايدالانۋ تۋرالى كەلىسىمنەن شىققان سوڭ، جەكە دامۋعا كوڭىل ءبولدى. بازالىق ستانتسيالارعا ورناتىلاتىن جاڭا قوندىرعى جەلىنىڭ ساپاسىن ايتارلىقتاي جاقسارتادى جانە كەلەشەكتە 5G ستاندارتىنا جىلدام اۋىسۋعا مۇمكىندىك بەرەدى.

«ءبىز تارالىمدى كەڭەيتىپ قانا قويماي، سونىمەن قاتار ساپانى دا ارتتىرىپ جاتىرمىز. بىلتىر نۇر-سۇلتاندا MIMO 4ح4 تەحنولوگياسى ىسكە قوسىلدى. حالىقارالىق جىكتەلىم بويىنشا ول 4,5G-گە پارا پار، بيىل ونى الماتى تۇرعىندارى دا پايدالانا الادى. MIMO 4ح4 جىلدامدىعى ادەپكى LTE-دەن بىرنەشە ەسە جوعارى. كەلەسى قادام – 2020 جىلى Massive MIMO-نى ىسكە قوسۋ بولماق. بۇل 4.9G حالىقارالىق ستاندارتىنا جاقىنداۋىمىزعا مۇمكىندىك بەرەدى. ال بيىل كۇزدە شىمكەنتتە 5G جەلىسىن تانىستىرامىز. ول سىناق جوباسى بولادى، سونىڭ نەگىزىندە تەحنولوگياعا الداعى ۋاقىتتا سالىناتىن ينۆەستيتسيا كولەمى مەن ونى ەنگىزۋ ستراتەگياسىن انىقتايمىز»، – دەپ Beeline قازاقستاننىڭ تەحنيكالىق ديرەكتورى ولەگ سنيمششيكوۆ پىكىر ءبىلدىردى.

سىناق جوباسى كەزىندە شىمكەنت قالاسىنىڭ ورتالىعىندا 5G ستاندارتىنداعى سەرۆيستەردى ۇسىناتىن بىرنەشە بازالىق ستانتسيا جۇمىس ىستەيدى. تەحنولوگيانىڭ ارتىقشىلىقتارىن 2019 جىلى ءىىى توقساندا باعالاۋعا بولادى. سىناق جوباسى ناتيجەسىنىڭ نەگىزىندە Beeline قازاقستاننان بولەك، 5G جەلىسىن دامىتۋ ستراتەگياسىن VEON توبىنىڭ بارلىق كومپانياسى جاسايدى.

قازىر Beeline بايلانىسىن قازاقستاننىڭ 3700-دەن استام قالاسى مەن ەلدى مەكەنىندە پايدالانۋعا بولادى. بۇل – حالىقتىڭ 95%-ى، ولاردىڭ 65%-ى 4G ستاندارتىنداعى ينتەرنەتكە قول جەتكىزە الادى. Beeline جەلىسى 1999 جىلى اشىلعان جانە زاماناۋي بايلانىستىڭ بارلىق ستاندارتىنا ساي ءساتتى قىزمەت ەتىپ كەلەدى.

*** كومپانيا ءموبيلدى جانە تۇراقتى تەلەفونيا قىزمەتىن، حالىقارالىق جانە قالاارالىق بايلانىس، مالىمەتتەر جولداۋ،  وپتيكالىق-تالشىقتى قوسىلۋ، سىمسىز تەحنولوگيالار،  Wi-Fi, ءۇشىنشى جانە ءتورتىنشى بۋىنداعى جەلىلەر نەگىزدەرىندە ينتەرنەتكە قوسىلۋ قىزمەتتەرىن كورسەتەدى. ادەپكى قىزمەتتەر تىزىمىنەن بولەك، Beeline كوپتەگەن digital امال-شارت ۇسىنادى، ولار: ءموبيلدى قارجى، مۋلتيمەديالىق سەرۆيستەر، كونۆەرگەنتتى قىزمەتتەر، NB-IOT بۇيىمدار ينتەرنەتى، سونداي-اق  M2M, MDM, E2E شەشىمدەرى.

Reputation Institute-نىڭ ابىرويلىق ءاۋديتىنىڭ قورىتىندىسى بويىنشا Beeline قازاقستان ەلىمىزدەگى ەڭ قۇرمەتتى وپەراتور بولىپ تانىلدى.

وپەراتور شتاب-پاتەرى امستەردام (نيدەرلاندى) قالاسىندا ورنالاسقان، «Veon» حالىقارالىق  تەلەكوممۋنيكاتسيالىق حولدينگىنىڭ ءبىر بولىگى. Veon – تەلەكوممۋنيكاتسيالىق جانە ينتەرنەت-قىزمەتتەردىڭ جاھاندىق پروۆايدەرى، ونىڭ اكتسيالارى NASDAQ جانە Euronext Amsterdam نارىقتارىندا ساتىلادى.

سوڭعى جاڭالىقتار