6 ماۋسىم, 16:52 588 0 بىلگەنگە مارجان "تۇركىستان" گازەتىنىڭ اۆتورلارى

ءۇش اۋىز سوزبەن بالا تاربيەلەۋ

«ۇرپاعىمنىڭ ۇياتى بولسىن»، – دەگەن قازاق بالا تاربيەسىن قاشاندا» بيىك قويعانى بەلگىلى. ۇياتسىز نەمەسە جۇگەنسىز دەگەن سوزگە قالماۋ ءۇشىن قىزدى قىرىق ۇيدەن تىيىپ، تاربيە بەرگەنى دە راس. وندايلاردى كورسە «اياعىن ەتىك قىسپاعان، اۋزىن شەشە قىسپاعان»، – دەپ قىز تاربيەسىندەگى انا ءرولىن ەرەكشە باعالاعان. باقساق، قازاق بالاسىن ءۇش-اق اۋىز سوزبەن تاربيەلەگەن ەكەن. جاقسىدان ۇيرەتىپ، جاماننان جيرەنتىپ وتىرعان.

ونىڭ العاشقىسى: ۇيات بولادى.

ەكىنشىسى: جامان بولادى.

ءۇشىنشىسى: وبال بولادى.

ۇيات بولادى دەگەنى – ولىمنەن ۇيات كۇشتى، ۇياتتى ءىس ىستەمە. سونداي-اق، «جانىم ارىمنىڭ ساداعاسى»، – دەۋ ارقىلى قازاقى تاربيەدەگى ۇيات ۇعىمىن تانىتقان. جامان بولادى دەپ – «جاقسى ءسوز جارىم ىرىس»، جاماندىقتان اۋلاق ءجۇر دەسە، جاقسىنىڭ شاراپاتى، جاماننىڭ كەساپاتى تيەدى دەپ تۇسىندىرگەن. وبال بولادى دەگەنى – ءار نارسەنىڭ سۇراۋى بار، ساعان تۇككە تۇرعىسىز بولعان ءبىر نارسە باسقا بىرەۋگە وتە قىمبات بولۋى مۇمكىن.مىنە ەرجۇرەك، دانا قازاق حالقى ءوز ۇلدارىن اشسا الاقانىندا، جۇمسا جۇدىرىعىندا، ال، قىزدارىن وتە بايسالدى ۇلكەنگە قۇرمەت، كىشىگە ىزەت كورسەتەتىندەي تاربيەلەگەن.

جاراس نۇربولۇلى،

شاكارىم اتىنداعى سەمەي مەملەكەتتىك ۋنيۆەرسيتەتىنىڭ ستۋدەنتى

سوڭعى جاڭالىقتار