6 ماۋسىم, 16:49 591 0 بىلگەنگە مارجان "تۇركىستان" گازەتىنىڭ اۆتورلارى

الەمدە تالاي قىزىق بار

ومىردە ءبىز بىلمەيتىن ادام تاڭقالارلىق جاعدايلار كوپ. ماسەلەن، وڭتۇستىك افريكا رەسپۋبليكاسى سۋىق قارۋ قولدانىپ، ادامعا شابۋىل جاساۋ، توناۋ، زورلاۋ جونىنەن الەمدە ءبىرىنشى ورىندا ەكەن. شۆەيتساريادا مەكتەپ مۇعالىمىنىڭ ايلىق جالاقىسى 33 مىڭ دوللار شاماسىندا. كۋبادا جاڭبىر تەك تۇسكى ۋاقىتتا، ال تايلاندتا تەك تۇندە جاۋاتىن كورىنەدى. دەنەسىنە تۇگەل سۋرەت سالىنعان ادام شوتلانديانىڭ سكاي قالاسىندا تۇرادى. ونىڭ تەرىسىنىڭ 99 پايىزىنا تاتۋيروۆكا جاسالعان. ول ادامنىڭ ەكى جەرىندە عانا تاڭبالانعان سۋرەت جوق. اياعىنىڭ باشپايلارىنىڭ اراسىندا جانە قۇلاعىنىڭ ىشىنە عانا تاتۋيروۆكا سالىنباي قالعان . الەمدەگى ەڭ جىلدام جۇگىرەتىن فۋتبولشىلاردىڭ ءبىرى – پورتۋگالدىق كريشتيانۋ رونالدۋ. ول ساعاتىنا 39,2 شاقىرىم جۇگىرە الادى. الەمدەگى 23 ۇلت جىلقىنى كيەلى جانۋار دەپ ەسەپتەيدى. سونىڭ ءبىرى – قازاق حالقى. الەمدە ءاربىر ءۇشىنشى سەكۋندتا دۇنيەگە ءسابي كەلەدى. ءبىزدىڭ ءومىر بويى جەگەن تاماعىمىزدىڭ سالماعى 27 توننا بولادى ەكەن، ال بۇل 7 ءپىلدىڭ سالماعىنا تەڭ. اقش-تا ازاماتتار تۇرمەگە كوپ وتىرادى. سەبەبى زاڭنىڭ كۇشى وتە قاتال. «جەزدى مۇرت» ءستاليننىڭ بويىنىڭ ۇزىندىعى – 160 سانتيمەتر بولدى. سوندىقتان فوتوگرافتار ونى كوپ جاعدايدا تومەننەن جوعارى قاراي تۇسىرگەن. ءستاليننىڭ ءبىر قولى ەكىنشىسىنەن ءسال قىسقالاۋ بولعان. وسىعان بايلانىستى كوپ جاعدايدا ول ءبىر قولىن قالتاسىنا سالىپ نەمەسە سيگارەت تارتىپ تۇراتىن بولعان.

 

جاراس نۇربولۇلى،

شاكارىم اتىنداعى سەمەي

مەملەكەتتىك ۋنيۆەرسيتەتىنىڭ

ستۋدەنتى

سوڭعى جاڭالىقتار