6 ماۋسىم 2019, 16:39 654 0 الەۋمەت "تۇركىستان" گازەتىنىڭ اۆتورلارى

3 مىڭ مۇعالىم مەن دارىگەر تۇرعىن ۇيمەن قامتىلماق

«قازاقستان يپوتەكالىق كومپانياسى» يۇ» اق مەن دەنساۋلىق ساقتاۋ جانە ءبىلىم جانە عىلىم مينيسترلىگى اراسىندا مينيسترلىكتەر مەن ۆەدومستۆولىق باعىنىستى ۇيىمداردىڭ قىزمەتكەرلەرىنە «نۇرلى جەر» باعدارلاماسى بويىنشا ساتىپ الۋ قۇقىعىمەن تۇرعىن ۇيلەردى جالعا بەرۋ تۋرالى كەلىسىمدەرگە قول قويىلدى.

ءىس-شاراعا دەنساۋلىق ساقتاۋ ءمينيسترى ەلجان ءبىرتانوۆ، ءبىلىم جانە عىلىم مينيسترلىگىنىڭ جاۋاپتى حاتشىسى ارىن ورساريەۆ، «قيك» يۇ» اق باسقارما توراعاسى ءادىل مۇحامەدجانوۆ قاتىستى. بۇل باعىتتاعى قىزمەتتى قارجىلاندىرۋعا شامامەن 40 ملرد تەڭگە «قيك» يۇ» اق مەنشىكتى قاراجاتى مەن نارىقتىق تالاپتارعا سايكەس قارىزعا الىنعان قاراجات جۇمسالادى.   وسىعان سايكەس، باعدارلامانى ىسكە اسىرۋ مەملەكەتتىك بيۋدجەتكە قوسىمشا سالماق سالمايدى.

قاتىسۋشىلار ءۇشىن جالعا بەرىلەتىن تۇرعىن ءۇيدى وتكىزۋ تالاپتارى: جالداۋ مەرزىمى 20 جىل، باستاپقى جارناسىز، تۇرعىن ءۇيدى كەز كەلگەن ۋاقىتتا جانە ايىپپۇل سانكتسيالارىن قولدانۋسىز مەرزىمىنەن بۇرىن ساتىپ الۋ مۇمكىندىگى بار، كىرىس جەتكىلىكسىز بولعان جاعدايدا كەپىلگەرلەردى تارتۋ مۇمكىندىگى قاراستىرىلعان. بۇل رەتتە باعدارلاما بويىنشا جالگەرلىك تولەمنىڭ ورتاشا ايلىق قۇنى رەسپۋبليكا بويىنشا ورتاشا باعادان تومەن بولماق.

«پارلامەنت سەناتىنىڭ ءتورايىمى داريعا نازارباەۆانىڭ ۇسىنىسى بويىنشا قازاقستان يپوتەكالىق كومپانياسى ءبىلىم بەرۋ جانە دەنساۋلىق ساقتاۋ جۇمىسكەرلەرى ءۇشىن تۇرعىن ءۇيدى يپوتەكالىق نەسيەلەندىرۋ بويىنشا ارنايى باعدارلاما ازىرلەدى. كومپانيامىز 2015 جىلدان بەرى ساتىپ الۋ قۇقىعىمەن جالعا بەرىلەتىن تۇرعىن ۇيلەر سالۋ مەن ساتىپ الۋدى قارجىلاندىرىپ كەلەدى. وسى كەزگە دەيىن ءبىز قازاقستان بويىنشا 18 مىڭنان استام وتباسىن تۇرعىن ۇيمەن قامتاماسىز ەتتىك. ءبىز كومپانيانىڭ تاجىريبەسى وسى الەۋمەتتىك ماڭىزى بار جوبانى ناتيجەلى ىسكە اسىرۋعا مۇمكىندىك بەرەدى دەگەن سەنىمدەمىز»، – دەدى ءادىل مۇحامەدجانوۆ.

تۇرعىن ءۇي الۋعا ۇمىتكەرلەر ءتىزىمىن تىكەلەي مينيسترلىكتەر قۇرادى. ءوز كەزەگىندە «قيك» يۇ» اق بەرىلگەن قىزمەتكەرلەردىڭ تولەم قابىلەتتىلىگىن تەكسەرەدى جانە باعالاۋ قورىتىندىسى بويىنشا وتىنىمدەرى ماقۇلدانعان ۇمىتكەرلەرمەن ۇزاق مەرزىمدى جالداۋ شارتىن بەكىتەدى. باعدارلامانى ىسكە اسىرۋ جاقىن ەكى جىلدا 3 000 قازاقستاندىق وتباسىن مەنشىكتى تۇرعىن ۇيمەن قامتاماسىز ەتۋگە مۇمكىندىك بەرەدى.

 

توعجان تولەگەن

سوڭعى جاڭالىقتار