6 ماۋسىم, 16:32 361 0 ءبىلىم "تۇركىستان" گازەتىنىڭ اۆتورلارى

سارىاعاشتا جۇيەلى ءبىلىم بار

 

قازىر ءبىلىم بەرۋدىڭ ساندىق جانە ساپالى دەڭگەيى مەن تۇرلەرى سان الۋان بولعان شاقتا، ءبىلىمنىڭ قادىر-قاسيەتى مەن قۇدىرەتىن جوعالتىپ الماۋدى ۇمىتپاعان ءجون. ءبىلىم شىن مانىندە، ۇلى كۇش ەكەندىگىن ءاربىر جاس ەرەكشە سەزىنگەنى ابزال. بۇل ورايدا تۇركىستان وبلىسىنداعى سارىاعاش اۋدانىندا سوڭعى جىلدارى ايتارلىقتاي ساپالى بىلىمگە قول جەتكىزىلىپ كەلەدى. ويتكەنى تاربيە مەن ءبىلىم ەگىز. سوندىقتان دا بالا ءبىلىمدى بولعانىمەن، تاربيە سالاسى اقساپ جاتسا، وندا ەشقانداي ناتيجە بولمايدى.  «بۇل ورايدا بىزدە ەكى سالا دا جاقسى جولعا قويىلعان. اۋداننىڭ ءبىلىم بەرۋ مەكەمەلەرى وقۋ مەن تاربيەگە بولەك قارامايدى. سوندىقتان دا ءبىز جاقسى كورسەتكىشتەرگە قول جەتكىزىپ كەلەمىز. ارينە، تاربيە تالبەسىكتەن دەپ جاتادى. بىراق ءبىلىم بەرۋ ۇيىمدارىنىڭ دا بالانى تاربيەلەۋدە ءرولى وتە ۇلكەن. ويتكەنى وقۋشى ۋاقىتىنىڭ ءبىراز بولىگىن مەكتەپتە وتكىزەدى. سوندىقتان اۋدان مەكتەپتەرىن تاربيەگە قاتىستى يگى شارالار كوپ وتكىزىلەدى»، – دەيدى بىزبەن اڭگىمەسىندە سارىاعاش اۋداندىق ءبىلىم ءبولىمى باسشىسى باۋىرجان قۇربانالىۇلى مايريحوۆ.

اقيقاتىنا كەلسەك، بۇزاقى بالالار قايدان شىعادى؟ ەڭ الدىمەن وتباسىدان دۇرىس تاربيە الماعاندىقتان. مۇنداي جاعداي اراگىدىك ورىن الىپ جاتسا، تەك قانا مۇعالىمدەردى، ءبىلىم سالاسىنداعىلاردى كىنالاۋ كەزدەسەدى. بۇل دۇرىس ەمەس. مۇعالىم جاس ۇرپاقتى ءبىلىمدى ەتىپ شىعارادى ءارى  ءتالىمدى تاربيە بەرەدى.

بالا قاشان دا زامان كوشىنەن قالماۋى كەرەك. ول ءۇشىن اركەز وزىق تەحنولوگيانى قولدانىپ، ساباق بارىسى قىزىق وتكەنى دۇرىس. بۇل ورايدا سارىاعاش اۋدانىنىڭ مەكتەپتەرى مۋلتيمەديالىق جابدىقتار مەن قۇرىلعىلاردى  قولدانادى. ونىڭ ۇستىنە ءبىلىم مەن عىلىم سالاسىندا ەلباسىنىڭ تاپسىرماسىنا وراي  قابىلدانعان «تسيفرلى قازاقستان» باعدارلاماسى بار. بۇل جونىنەن سارىاعاش اۋدانىنىڭ ءبىلىم بەرۋ ۇيىمدارى كوش باسىندا دەسە دە بولادى. اتاپ ايتار بولساق، «كۇندەلىك» ەلەكتروندى جۋرنالىنا اۋدان مەكتەپتەرى 100 پايىز قوسىلعان. پەداگوگ قىزمەتكەرلەر، اتا-انالار مەن وقۋشىلار اتالعان جۇيەگە تولىقتاي تىركەلگەن. «كۇندەلىك» ەلەكتروندى جۋرنالىنا ەنۋ كورسەتكىشى بويىنشا اۋداننىڭ ءبىلىم ءبولىمى وبلىستا العاشقى ورىندى يەلەنەدى. مىنە، مۇنىڭ ءوزى ايماقتا ءبىلىم سالاسىنا كوپ كوڭىل ءبولىپ جاتقانىن كورسەتەدى.

«تسيفرلى قازاقستان» مەملەكەتتىك باعدارلاماسى اياسىندا «تۇركىستان وبلىسى ءبىلىم بەرۋ پروتسەسىن اۆتوماتتاندىرۋ تۋرالى» بۇيرىققا سايكەس، jumys.sinsen.kz  پيلوتتىق جوبالارى ەنگىزىلدى. جوبا اياسىندا اۋداننىڭ ءبىلىم بەرۋ ۇيىمدارىنداعى بوس جۇمىس ورىندارىنا كادرلاردى قابىلداۋدىڭ جاڭا جۇيەسىن ەنگىزۋ، ءبىلىم بەرۋ ۇيىمدارىنىڭ دايىندىق توپتارى مەن ءبىرىنشى سىنىپتارىنا قابىلداناتىن وقۋشىلاردى قابىلداۋدىڭ جاڭا جۇيەسى mekteر. kz سايتى ارقىلى جۇرگىزىلۋدە. وسى جۇيەنى ىسكە اسىرۋ ماقساتىندا اۋداندىق ءبىلىم ءبولىمى بارلىق مەكتەپتەردى ءىس-شارا جاسادى. اۋدانداعى №141 تولىباي باتىر اتىنداعى جالپى  ورتا مەكتەبىنىڭ بازاسىندا jumys.sinsen.kz  سايتى بويىنشا جۇمىس جۇرگىزۋگە ارنالعان ورتالىقتاندىرىلعان كابينەت اشىلدى. بۇگىنگى تاڭدا اتالعان  سايت بويىنشا اۋداننىڭ 76 ءبىلىم بەرۋ ۇيىمدارىنداعى جالپى 545 بوس جۇمىس ورىندارى تىركەلدى. سونداي-اق، وسى ۋاقىتقا دەيىن جالپى 283 مامان ءوز ديپلومدارىنا سايكەس  جانە ودان باسقا 159 كىشى تەحنيكالىق جۇمىسكەرلەر جۇمىسقا قابىلداندى.

– سوڭعى جىلدارى 200-دەن استام مۇعالىمدەر زەينەتكەرلىككە شىقتى. ولاردىڭ ورنىنا جاس مامانداردى قابىلدادىق. جىل وتكەن سايىن مەكتەپ تابالدىرىعىن اتتايتىن وقۋشىلاردىڭ دا  سانى ارتتى. ويتكەنى، دەموگرافيالىق ءوسىمى جوعارى. جىل سايىن تۋ كورسەتكىشى ارتىپ كەلەدى. بۇرىن ءبىر وتباسىندا 8-9 بالادان بولسا، قازىرگى كەزدە ولاردىڭ سانى 10-12 جەتتى. دەمەك، اۋداندا الەۋمەتتىك-تۇرمىستىق جاعداي جاقساردى دەگەن ءسوز. بۇل ارينە كوڭىل قۋانتادى. ونىڭ ۇستىنە اۋدان اكىمى قايرات ابدۋاليەۆ ءبىزدىڭ سالاعا كوپ قامقورلىق تانىتىپ كەلەدى، – دەيدى سارىاعاش اۋداندىق ءبىلىم ءبولىمىنىڭ باسشىسى باۋىرجان  مايريحوۆ.

راسىندا دا  ىسكەر باسشى رەتىندە تانىلعان قايرات امانگەلدىۇلى قازىرگى ۋاقىتتا اۋدان ەكونوميكاسىن دامىتىپ وتىر. حالىقتىڭ دا ءال-اۋقاتى جاقسارىپ كەلەدى. جۇمىسسىز وتىرعاندار وتە از. اۋدان اكىمى ءبىلىم سالاسىنا دا بارىنشا كومەكتەسۋدە. سوندىقتان دا بولار، اۋدان وقۋشىلارى ۇبت-دان  جوعارى كورسەتكىشكە قول جەتكىزۋدە.

جالپى  اۋدانداعى ءبىلىم سالاسىنىڭ بارعان سايىن جاقسارىپ كەلە جاتقانىن مىنا ءبىر دەرەكتەر ايقىنداپ-اق تۇرعانداي. 2015 جىلدى وقۋ جىلىن مەكتەپ بىتىرۋشىلەر 70,8 باللمەن اياقتاسا، 2018 جىلعى كورسەتكىش 74,2 ەكەنىن ايتا كەتكەن ءجون. 2018 جىلى ۇبت سىناعىندا ەڭ جوعارى كورسەتكىشتى سارىاعاشتىق جاس تۇلەك الدى. №16 پانفيلوۆ اتىنداعى جالپى ورتا مەكتەبىنىڭ ءبىتىرۋشى تۇلەگى اقەركە تاستان ەڭ جوعارى 139 بالل الدى. بۇل ارينە سارىاعاش اۋدانى ءۇشىن ەڭ جوعارى كورسەتكىش.

ارينە، سارىاعاش سونشالىقتى الىستاعى اۋدان ەمەس. شىمكەنتتەن 2,5-3 ساعاتتىق قانا جەردە. وركەنيەتتىڭ ورتاسى. بۇكىل اۋداننىڭ ءبىلىم بەرۋ مەكەمەلەرى قاجەتتى وقۋلىقتارمەن قامتاماسىز ەتىلگەن. قىسقاسى، بار بالانىڭ وقۋىنا مۇمكىندىك جاسالعان. ءبىر عانا مىسال، «كوشباسشى پەداگوگ-2018» بايقاۋى ناتيجەسىندە №142 مەكتەپتىڭ باستاۋىش  سىنىپ مۇعالىمى 10 ميلليون تەڭگەلىك جەڭىل اۆتوكولىكتىڭ سەرتيفيكاتىن جەڭىپ الدى.

 

مەيرامگۇل سىبان

 

تەگتەر سارىاعاش

سوڭعى جاڭالىقتار