5 ماۋسىم 2019, 17:21 720 0 كولىك دينارا مىڭجاسارقىزى

تۇركىمەنستاندا ايەلدەردىڭ كولىك جۇرگىزۋ كۋالىگىن الۋى قيىندادى

تۇركىمەنستاندا كولىك جۇرگىزۋ كۋالىگىن العىسى جانە ەسكىسىنىڭ مەرزىمىن سوزدىرعىسى كەلگەن ايەلدەر ءتۇرلى كەدەرگىلەرگە تاپ بولدى.

ازاتتىق راديوسىنىڭ تۇركىمەن قىزمەتىنىڭ حابارلاۋىنشا، اشعاباد پوليتسياسى ايەلدەرگە جاڭا كولىك جۇرگىزۋ كۋالىگىن بەرۋدەن جانە ەسكىسىنىڭ مەرزىمىن سوزۋدان باس تارتقان.

"ماي قىزمەتكەرلەرى: "ايەلدەرگە كۋالىك بەرىلمەيدى" دەپ اشىق ايتادى", - دەپ حابارلادى ازاتلىك ءتىلشىسى.

ونىڭ ايتۋىنشا، استانادا ايەلدەردىڭ كولىك جۇرگىزۋ كۋالىگىن الىپ قويىپ جاتىر. تۇركىمەنستاندا كولىك جۇرگىزۋ كۋالىگى 10 جىلعا بەرىلەدى.

اشعاباد كوشەلەرىندە كولىك جۇرگىزگەن ايەلدەردىڭ كۋالىكتەرىن الۋ ناۋقانى بيىل اقپان ايىنىڭ ورتاسىندا باستالدى. اشعاباد پوليتسياسى كولىك باسقارعان ايەلدەردى توقتاتىپ، ولاردىڭ كۋالىكتەرىن تۇسىندىرمەستەن الىپ قويادى. بىراق ولار مەملەكەتتىك مەكەمەلەردە جۇمىس ىستەيتىن ايەلدەرگە تيىسپەيدى.

سوڭعى جاڭالىقتار